Ўзбекистон республикаси адлия вазирлиги юристлар малакасини ошириш маркази ф. Э. Мухамедов

 
56-масала
Озиқ-овқат дўкони сотувчиси П.нинг олдига таниши Р. келиб, назорат-
касса машиналари фискаль хотираси хизмати дастурига ноқонуний 
ўзгартириш киритиш йўли билан даромад (фойда)ни яшириш мумкинлигини, 
агар ҳар ойда яширилган даромад (фойда)нинг ўн фоизини беришга рози 
бўлса, назорат-касса машиналари фискаль хотираси хизмати дастурига 
ноқонуний ўзгартириш киритиш йўли билан олинган даромад (фойда) 
миқдорини камайтириб беришини, буни ҳеч ким аниқлай олмаслигини 
билдирди. П. ушбу таклифга рози бўлди ва Р.га бир йил давомида яшириб 
қолинган даромад (фойда)нинг ўн фоизини бериб келди. Юқори солиқ 
идораси томонидан ўтказилган тадбир вақтида ушбу ҳолат аниқланиб, унга 
чек қўйилди. 
− Юқоридаги шахсларнинг ҳаракатларига ҳуқуқий баҳо беринг. 
– жавобни тавсия этилган Ўзбекистон Республикаси Олий суд 
Пленумининг қарорига асосланиб беринг. 
 
57-масала
Якка тартибдаги тадбиркор В. тўловга қобилиятсизлиги ҳамда ушбу 
ҳолат барқарор иқтисодий ночорлигига (банкротлигига) олиб келганлиги 
сабабли ўзини банкрот деб эълон қилди. Ўтказилган суриштирув 

---

218 
натижаларига кўра В. асосий фаолияти бўлмиш хизматлар кўрсатишга жалб 
этилган активларининг 50 фоиздан ортиғини таниши Б.га бериб юборганлиги 
аниқланди.
− Юқоридаги шахсларнинг ҳаракатларига ҳуқуқий баҳо беринг. 
– жавобни тавсия этилган Ўзбекистон Республикаси Олий суд 
Пленумининг қарорига асосланиб беринг. 
 
58-масала 
Паррандачилик фабрикаси раҳбари Л. харажатларни камайтириш 
мақсадида фабрика газ тармоғини фабрика яқинидан ўтган магистрал газ 
қувурига ўзбошимчалик билан улашни буюрди.
Ўзбошимчалик билан уланиш кўп миқдордаги газ маҳсулотларидан 
фойдаланиш билан бир қаторда газ қувурининг нормал ишлаши бузилишига 
олиб келди. 
− Юқоридаги шахсларнинг ҳаракатларига ҳуқуқий баҳо беринг. 
– жавобни тавсия этилган Ўзбекистон Республикаси Олий суд 
Пленумининг қарорига асосланиб беринг.