Ўзбекистон республикаси адлия вазирлиги юристлар малакасини ошириш маркази ф. Э. Мухамедов
Download 1.82 Mb. Pdf ko'rish
|
zinoat-konunciligi-amalij-kullanma
|
48-масала Ҳарбий хизматчилар А. ва Ю. ҳарбий қисм ҳудудида ўзаро жанжаллашиб, А. Ю.ни итариб юбориши натижасида ойна синади ва синган ойна билан Ю.ни қорин қисмига уриб, унга ҳаѐти учун хавфли бўлган оғир тан жароҳати етказган. Ҳарбий қисм командирлари келиб қолганлиги учун А. ўзининг жиноий ҳаракатини охирига етказа олмаган. Тергов органи томонидан унга безорилик оқибатида Ю.ни ўлдиришга суиқасд қилганликда айб эълон қилинган. Ишдаги ҳужжатларга кўра, А. воқеа жойидан кетиб қолмасдан, унга ѐрдам берганлиги аниқланган. – А.нинг ҳаракатларини квалификация қилинг. – Қасддан содир этилган жиноят босқичларини тушунтириб ўтинг. – жавобни тавсия этилган Ўзбекистон Республикаси Олий суд Пленумининг қарорига асосланиб беринг. 49-масала Оддий аскар С. бир-бирига тобе бўлмаган ҳарбий хизматчилар ўртасидаги ўзаро муносабатларга оид низом қоидаларини бузиб, ўзи билан бирга хизмат қилаѐтган Т. билан жанжаллашиб қолиб, ерда турган темир билан унинг бошига уриб соғлиғини бузилишига сабаб бўлган енгил тан жароҳати етказган. Оддий аскар С.нинг жиноий қилмиши тергов органи ва суд томонидан Ўзбекистон Республикаси ЖК 285-моддасининг иккинчи қисми ―б‖ банди билан квалификация қилинган. – Суднинг ушбу хулосасига ҳуқуқий баҳо беринг. – мазкур жиноят ижтимоий хавфлилик даражасига кўра қандай жиноятлар таснифига киради? – жавобни тавсия этилган Ўзбекистон Республикаси Олий суд Пленумининг қарорига асосланиб беринг. 296 50-масала Ҳарбий билим юртининг взвод командири лейтенант И. фуқаро Б.ни билим юртига ўқишга киргизиб қўйиш учун келишиб, ундан 20 000 000 сўм пул олиб, ушбу пулларнинг ўз эҳтиѐжига ишлатиб юборган. – Лейтенант И.нинг ҳаракатини квалификация қилинг. – мазкур жиноят ижтимоий хавфлилик даражасига кўра қандай жиноятлар таснифига киради? – жавобни тавсия этилган Ўзбекистон Республикаси Олий суд Пленумининг қарорига асосланиб беринг. 51-масала Оддий аскарлар А. ва Э. қоровул нарядида турган Я.нинг ухлаб қолганлигидан фойдаланиб, ҳарбий қисм кийим-кечак омборига кириб, 6 000 000 сўмлик аскар этикларини ўғирлаб, фуқаро Г. билан келишиб унинг уйига яшириб қўйишади. Қилмишлари фош бўлишидан қўрққан аскарлар ўғирланган этикларни ҳарбий қисмга қайтариб олиб келаѐтганларида тезкор ходимлар томонидан қўлга олинган. – оддий аскарлар А., Э.нинг ҳаракатларини квалификация қилинг. – қасддан содир этилган жиноят босқичларини тушунтириб ўтинг. – жавобни тавсия этилган Ўзбекистон Республикаси Олий суд Пленумининг қарорига асосланиб беринг. Download 1.82 Mb. Do'stlaringiz bilan baham: 
|