Sudya ishni ko’rishdan avval pretor formulasi bosilgan qog’ozlarni taraflarga tarqatib, so’ng muhokama kirishgan. Taraflar – da’vogar, javobgar va ularning advokatlari bo’lganlar. Muhokamaning ushbu bosqichida (in indicio) taraflar rasmiyatchilik bilan unchalik bog’lanmaganlar, ammo yolg’on ko’rsatuv va hujjatlarni soxtalashtirganlik uchun qattiq javobgarlikka tortilganlar. Sudda guvohlar ham qatnashgan, zarur bo’lganda, ekspertiza ham o’tkazilgan. Sudyaning qarori qat’iy bo’lib, undan so’ng o’sha hujjatlar asosida o’sha da’vo yuzasidan ish qo’zg’atish mumkin bo’lmagan.
Asrlar davomida yuristlar formulyar protsessini chuqur o’rganganlar va rivojlantirganlar. Ushbu protsess ham zamon talabi, ishlab chiqarish munosabatlarining o’zgarishi tufayli rivojlanib, takomillashib borgan. Ba’zi ulkan va muhim masalalar (qullikdan ozod qilish, meros kabi) 10 yoki 100 nafar sudya ishtirokida ko’rilgan (va detsemvir yoki sentumvir deb nomlangan).
Do'stlaringiz bilan baham: |
