|
Mulk huquqini bevosita yoki bilvosita hosil qilish. Agar hech kimga qarashli bo’lmagan yovvoyi hayvonni tutib olsak, biz unga egalik huquqini birinchi bo’lib bevosita olgan bo’lamiz. Agar yerimizdan qadimda kimdir ko’mib qo’ygan boylikni topib olsak ham, birov keraksiz hisoblab, tashlab yuborgan narsani olsak ham shunday bo’ladi. Ammo agar birovga tegishli mulkning egalik huquqi boshqa kishiga o’tkazilsa, u bilvosita olingan hosila huquq bo’ladi.
Qadimgi Rimda narsa ma’lum marosimlardan keyin boshqa birovning qo’liga o’tsa, (an’anaga ko’ra) u pretor mulkidan kvirit mulkiga aylangan. Yerni bosib olish (okkupatsiya) yo’li bilan qo’lga kiritish alohida holat sanalgan. Yerning haqiqiy egasi qayerdadir bo’lsa-yu, tayin etilgan muddatda paydo bo’lmasa, bu yerning hozirgi egasi ham (boshqa narsalar ham) dastlabki asosda qo’lga kiritilgan mulk huquqini olgan. Yustinian qonuni ushbu muddatni ko’char mulkka uch yil, ko’chmas mulkka 10 yil qilib belgilagan.
Do'stlaringiz bilan baham: |
