Фаннинг вазифаси – тингловчиларни геометриядан маълумот мажмуаси билан таништиришгина эмас, балки тингловчиларни мантиқий фикрлаш, теоремаларни амалий масалалар ечишга қўллай билиш, шунингдек тингловчиларга таълим йўналишларига оид билимларни бериш.
Фан бўйича тингловчиларнинг билимига, кўникма ва малакасига қўйиладиган талаблар
Геометрия ўқув фанининг ўзлаштириш жараёнида амалга ошириладиган масалалар доирасида тингловчи:
–планиметрия асосий тушунчалари ва уларнинг амалий татбиқлари;
–стереометрия курсининг назарий асослари;
–Евклид ва Лобачевский геометрияси;
–Гильберт ва Вейль аксиомалар системаси ҳақида тасаввурга эга бўлиши;
–дунёни билишнинг махсус усули бўлган математика, унинг тушунчалари ва тасаввурларининг яхлитлиги;
–векторлар алгебраси элементлари;
–фазодаги алмаштиришлар ва уларнинг хоссалари;
–аффин ва Евклид фазолар;
–қўшчизиқли ва квадратик формалар;
–квадратик формаларни алмаштиришлар;
–проектив геометрия асослари билиши ва улардан фойдалана олиши;
–объектларнинг миқдорий ва сифат муносабатларини ифодалашда математик белгиларни қўллаш;
–математика фанлари орасидаги назарий ва амалий билимларни боғлай олиш;
–мисол ва масалалар ечишда аналитик ва сонли ечимларни тадқиқ қилиш;
–амалий мазмунли масалаларнинг математик моделини яратиш;
–аналитик геометрия, конструктив геометрия, проектив геометрия, геометрия асослари, кўп ўлчамли геометриянинг асосий тушунчалари ва методларини топология элементларини, дифференциал геометриянинг асосий тушунчалари билиши ва уларни масалаларни ечишга татбиқ этиш кўникмаларига эга бўлишилозим.
Фаннинг ўқув режасидаги бошқа фанлар билан ўзаро боғлиқлиги ва услубий жиҳатдан узвий кетма-кетлиги
“Геометрия” фани асосий фундаментал фан ҳисобланиб, қайта тайёрлаш курси бошида ўқитилади. Дастурни амалга ошириш ўқув режасидаги режалаштирилган математик анализ, алгебра ва сонлар назарияси ва бошқа фанлардан етарли билим ва кўникмаларга эга бўлишлик талаб этилади.
Do'stlaringiz bilan baham: |
