III БОБ. ТАЙЁРГАРЛИК БОСҚИЧЛАРИДА КАТТА
ЮКЛАМАДАГИ МАШҒУЛОТЛАРНИНГ ДЗЮДОЧИЛАР ОРГАНИЗМИГА ТАЪСИРИ
Ушбу бўлим катта юкламали машғулотларнинг дзюдочилар иш қобилиятини ривожлантиришга таъсирини тадқиқ қилиш ва унинг натижаларини аниқлашга бағишланган.
3.1. Тадқиқотни режалаштириш ва унинг иштирокчилари
Тадқиқот мусобақаолди тайёргарлик давридан бошлаб олиб борилиб, 2009 йил давом этди.
Тадқиқот объекти махсус чидамлиликни, тезкорлик ва кучнинг таркибий қисмларини ривожлантиришга ёрдам берувчи юкламалар билан олиб бориладиган ишларнинг дзюдочилар организмига таъсиридир.
Жумладан, малакали спортчилар организмига машгулотларда фойдаланилган юкламаларнинг таъсир йўналишини аниқлаш, ҳар қандай режалаштирилган машғулотлар таркибига киритилган чидамлилик (узоқ ва қисқа давом этувчи хусусиятли иш қобилияти, иш самарадорлиги), тезкорлик ва куч сифатларини ўрганиш. Кўрсатилган турдаги машғулотлардан, уларнинг самарадорлигини оширишда спорт машғулотида тез-тез фойдаланилади. Бундай ўрганиш турли йўналишдаги юкламаларга спортчилар организмининг реакцияси тўғрисида объектив маълумотлар бериб, комплекс таъсир қилиш билан боғлиқдир.
Спорт амалиётида комплекс йўналишдаги машғулотлар кенг кўлланилади. Сараланган йўналиш туридаги машғулотларни ўрганиш натижасида олинган кўрсаткичлар машғулотларни комплекс режалаштиришда спортчилар организмига ҳар хил йўналишдаги ишлар реакцияси тўгрисида аниқ маълумотлар беради, шу сабабли машгулотларни комплекс режалаштиришда эътиборга олиниши мумкин. Машгулот дастурларини танлаш текширилувчи спортчиларнинг функционал имкониятларига мос ҳолда амалга оширилди. Шунингдек, жисмоний сифатларни ривожлантиришнинг замонавий усуллари тўғрисидаги маълумотлар ҳам ҳисобга олинган. Машғулотлар дастури 3-иловада кўрсатилган. Дзюдочилар организмига тажрибавий дастурнинг таъсири, уларнинг функционал имкониятлари машғулотгача дастлабки ҳолатда, машғулотдан сўнг ҳар хил ораликда тикланиш даврида қайд қилинди (6, 24, 48, 72 соатдан кейин).
Do'stlaringiz bilan baham: |
