Ўзбекистон республикаси мактабгача таълим вазирлиги

19-МАШҒУЛОТ. 
Машғулот мақсади: ихтиёрий (актив) диққатни, моторикани (йирик ва 
майда), тасаввурни ривожлантириш, сўз бойлигини ошириш. 
1) “10 та расм” ўйини. 
Йўриқнома: Педагог-психолог 10 та расмни столга қўяди, болалар 
расмларни эслаб қолиши керак бўлади, кейин расмлар усти ёпилади (ёки расм 
орқасига қилиб қўйилади). Кейин болалар ҳар бир карточкада қандай расм 
борлигини айтиб беришлари керак.
 
2) “Нима учун керак” ўйини. 

---

46 
Йўриқнома: Педагог-психолог турли предметлар номини айтиши, 
болалар эса унинг нима учун кераклигини айтишлари керак. (масалан: китоб-
ўқиб, билимни орттириш учун). 
4) “Бурдон тести”. 
Йўриқнома: Болалар, педагог-психолог томонидан олдиндан (ҳар бир 
бола учун алоҳида) тайёрланган шаклдан (9-илова) ҳарфни (масалан, “У”) 
топади ва ўчирадилар. Топшириқни бажариш вақти 5 дақиқа. Кейинги 
машғулотда бошқа ҳарфни топиб, ўчиришлари мумкин). 
5) График диктант (баён). 
Йўриқнома: болалар катак дафтарда педагог-психолог томонидан айтиб 
турилган нақш (чизиқ)ларни чизиш билан топшириқларни бажарадилар. 
Эслатма: педагог-психолог катта катак вароққа расмни бошланиш 
жойига катак бурчагига нуқта билан белгилар қўяди (масалан, 11-иловадаги 
(қизча, 1-расм)нинг ўнг қўлини чизишда. Шундай қилиб педагог-психолог 
томонидан айтилган вазифани болалар бажарадилар. 
6) “Бармоқчалар” машқи. 
“Бармоқчалар” (шеър муаллифи: пед.ф.ф.д. (PhD) А.А.Турғунов) 
Қўлимизда бармоқчалар, 
Бешта улар бармоқчалар, 
Бошидаги зўр – бармоқ, 
Кўрсаткичу, ўрта бармоқ, 
Номсиз бармоқ ва жимжалоқ, 
Бизда бордир ўн бармоқ. 
Йўриқнома: Болалар шеърни айтиб, бармоқларини ҳаракатга 
келтирадилар. Биринчи, машқни ўнг қўлда бажарадилар, кейин чап қўлда 
бажарадилар, (Бизда бордир ўн бармоқ, деганда икки қўлларини кўтарадилар).