Ўзбекистон республикаси олий ва ўрта махсус таълим вазирлиги андижон давлат университети

 
Периптер - ҳамма томондан устунлар билан ўралган айлана ёки тўртбурчак 
шаклидаги антик ибодатхона. 
 
Рельеф (лотин. relefo- кўтараман) - ҳайкалтарошликнинг бир тури. Шакл, 
тасвир фон (замин) дан бўрттириб ёки, аксинча, ўйиб ҳосил қилинади. 
Рельефнинг асосий турлари: барельеф ва горельеф.
 

---

75 
Санъат – арабча атама бўлиб, ҳаётдаги нарса ва ҳодисаларни бадиий образли 
тарзда акс эттирувчи маънавий маданиятнинг таркибий ғисми. У тасвирий ва 
амалий санъат, мусиға, меъморчилик, театр, кино, бадиий адабиётни ўз ичига 
олади. 
 
Тасвирий санъат - санъат тури. Рассомлик санъати, графика, ҳайкалтарошлик 
ва фото санъати соҳаларини ўз ичига олади. Тасвирий санъат реал борлиқни 
кўргазмали образларда, мавжуд нарсаларни уларнинг табиий шакли, ўрни ва 
бошқаларни ўзига ўхшатиб, умумлаштириб ва типиклаштириб ифодалайди, 
предметларнинг ҳажми,ўзаро қандай масофада жойлашгани ва бошқалар 
тўғрисида томошабинда тасаввур ҳосил қилади.
Терракота (лот. terra – ер ва cotta - қиздирилган) – кулолликда ишлатиладиган 
лой ва шундай лойдан тайёрлаб оловда қиздирилган маҳсулот, сопол. Рўзғорда 
(идиш ва буюмлар), ҳайкалтарошлик ва қурилишда (сополак, парчин, 
архитектура деталлари) ишлатилади. Терракота тайёрлаш учун, одатда, 
таркиби ва ранги бир ҳил тупроқ танланади. Шакл беришда ёғоч ва гипс 
қолиплар ишлатилади. Кошиннинг айрим хиллари ҳам терракотадан 
тайёрланади. 
 
Фреска (итал. fresko – янги, қуримаган) - бўёқни сувга ёки оҳак қўшилган 
сувга қориб янги, қуримаган сувоқ устига ишланадиган рассомлик санъати 
асари. Қадимдан деворий расмларнинг асосий техникаси бўлиб келмоқда. 
Сувоқ, одатда, ўчган оҳакка икки ҳисса кум қўшиб тайёрланади, сувоқ 
қуригандан кейин унинг ёрилиб кетмаслиги таъминланади. Оҳак билан 
қўшилганда айнимайдиган, шунингдек вақт ўтиши билан нур таъсирида 
бузилмайдиган бўёқлардан фойдаланилади. Фреска учун сувоқ ва бўёқ 
тайёрлашнинг турли усуллари мавжуд. Фреска рассомдан катта маҳорат, 
тезкорлик талаб қилади, тасвир қисқа вақт ичида сувоқ қуримай туриб 
тайёрланиши керак.