Ўзбекистон Республикаси Олий ва ўрта махсус таълим вазирлиги
Фарғона давлат университети
Чет тиллар факультети
Қўлёзма ҳуқуқида
Жумакулова Гулноза
Инглиз тилининг фонотактик хусусиятлари ва уларнинг лингвистик моҳияти
(Phonotactic features of the English language and their linguistic nature)
Maгистратура мутахассислиги: 5141400 Xoрижий тиллар (инглиз тили)
Филология магистри академик даражасини олиш учун тайёрланган диссертация
Илмий раҳбар –
доцент С.Солижонов
Иш кўриб чиқилди
ва ҳимояга қўйилди.
Кафедра мудири – ф.ф.н. Д.Ғаниева
“____” ____________ 2016 й.
Фарғона - 2016
The Ministry of Higher and Secondary Specialized
Education of Republic of Uzbekistan
Fergana State University
Faculty of Foreign Languages
Department of English Language and Literature
Speciality: Foreign Languages (English 5141400)
Dissertation for receiving academic Master’s degree
Theme: Phonotactic features of the English language and their linguistic nature
Compiled by: G.Jumakulova
Supervisor: S.Salijanov, associate professor
Fergana-2016
ДИССЕРТАЦИЯ АННОТАЦИЯСИ
Мазкур магистрлик диссертацияси фонетиканинг янги йўналиши бўлмиш фонотактиканинг хусусиятларини ўрганиш масалаларига бағишланган бўлиб, унда фонетик ходисаларга янгича ёндашиш кўзда тутилади. Маълумки, фонотактик қоидалар тилдаги мавжуд нутқ товушларининг бўғин ва сўздаги ўзаро бирикувини, уларнинг сўз ички структурасидаги ўрнини ва тил структураси томонидан йўл қўйилган товуш бирикмаларини аниқлаб беради. Ушбу лингвистик ходиса турли тизимдаги тилларда тил воситалари ёрдамида ўзига хос равишда намоён бўлади ва у инглиз тилида айрим тилшунослар томонидан таҳлил қилинган бўлсада, унинг ўзига хос хусусиятлари тўлалигича очиб берилмаган.
Тадқиқотдан кўзланган асосий мақсад инглиз тили мисолида фонотактиканинг хусусиятларини лингвистик таҳлил қилиш, унинг бўғин структурасидаги ўрни ва аҳамиятини аниқлаш ва уларнинг ўзига хос хусусиятларини тавсифлаш ва таснифлаш.
Тадқиқот объекти сифатида инглиз тилидаги сўзларнинг орфоэпик шаклларида ифодаланган товуш бирикмалари олинган бўлиб, тадқиқотлар мобайнида турли методлар ёрдамида олинган маълумотларни статистик ва лингвистик таҳлил қилинади.
Тадқиқотнинг назарий ва амалий аҳамияти шундаки, олиб борилган изланишлар натижасида олинган инглиз материаллар ва мезонлар бошқа тиллардаги фонотактик масалаларни ҳал қилишга ёрдам беради, амалий аҳамияти эса инглиз тилидаги товуш бирикмаларини тўғри талаффузи орқали ушбу тилни ўрганувчиларни оғзаки нутққа ўргатишда, назарий ва амалий фонетика дарсларида, ушбу мавзу юзасидан битирув малакавий ва курс ишлари ёзишда фойдаланиш мумкин.
Диссертация уч бобдан иборат бўлиб, уларнинг ҳар бири бир неча фаслларга бўлинади. Иш якунида хулоса ва фойдаланилган адабиётлар рўйхати берилади.
Do'stlaringiz bilan baham: |
