Ўзбекистон республикаси олий ва ўрта махсус таълим вазирлиги м. Улуғбек номидаги ўзбекистон миллий

Arc Map дастурий таъминотида электрон харитани чоп этишга тайёрлаш

Харитани тузишда қуйидаги талабларга эътибор бериш лозим.

• 
  Харита алоҳида махсулот сифатида ёки бир хил расмийлаштирилган хариталар сериясини ташкил этадими?
  
• 
  Хаританинг чоп этиладиган кўриниши қандай шаклда бўлади?
  
• 
  Харита саҳифаси қандай кўринишда намойиш этилади?
  
• 
  Харита нечта маълумотлар фреймини ўзида мужассамлаштиради?
  
• 
  Харитада сарлавха, шарх ва бошқа элементлар акс эттириладими?
  
• 
  Харитада маълумотларининг географик кўринишини тўлдирувчи ҳисобот ва диаграмма акс эттириладими?
  
• 
  Харитада масштаб қандай тасвирланади?
  
• 
  Харита элементлари харитада қандай тасвирланади?
  

Харита саҳифасини тузиш-харитани чоп этиш учун виртуал саҳифага жойлаштирилган хариталар элементи тўпламидан иборат бўлади. У ўз навбатида бир ёки бир нечта маълумотлар фреймини, шимолни кўрсатувчи белги, харита сарлавхаси, матн, масштабли линейка, шартли белгилар изоҳи кабиларни ўз ичига олади. Географик худудий боғлиқликни кўрсатиш учун координаталар тўрини харита саҳифасига қўшиш мумкин. Хариталарни файл сифатида экспорт қилиш ёки электрон тарзда фойдаланишдан қатъий назар улар чоп этиш мўлжалланган. Саҳифа ўлчамлари альбом ёки китоб шаклида белгиланиши мумкин ва худди шу холатда чоп этилади. Саҳифа ўлчамларини харита альбомлари ва атласлар учун ҳам белгилаш мумкин.
Қуйида ArcMap дастурида харита саҳифасини тузиш рўйхати келтирилган:

Кўп саҳифали тузиш. Бу функция бир вақтнинг ўзида бир хил тузилган саҳифаларни кўздан кечириш, экспорт қилиш ва чоп этиш вазифасини бажаради. Саҳифадаги маълумотлар фрейми экстенти маълум бир қатламлар худудий объектларининг экстентига боғлиқ холда динамик тарзда янгиланиб боради.

Маълумотлар фрейми. Бир ёки ир нечта маълумотлар қатлами ўз ичига олган ва уларнинг географик экстенти, координаталар тизими мва бошқа хусусиятларини белгилайдиган харита элементи ҳисобланади.