Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълими маркази

I. Тушунтириш хати
Мазкур ишчи ўқув дастури Ўзбекистон Республикасининг “Таълим тўғрисида”ги ва “Кадрлар тайёрлаш миллий дастури тўғрисида”ги қонунлари, Ўрта махсус, касб-ҳунар таълими тўғрисида низом, Ўрта махсус, касб-ҳунар таълими давлат таълим стандартлари, Ўзбекистон Республикаси Президентининг 2012 йил 28 майдаги “Малакали педагог кадрлар тайёрлаш ҳамда ўрта махсус, касб-ҳунар таълими муассасаларини шундай кадрлар билан таъминлаш тизимини янада такомиллаштиршга оид чора-тадбирлар тўғрисида”ги ПҚ- 1761-сонли қарори ва шу қарор асосида Ўзбекистон Республикаси Вазирлар маҳкамасининг 2012 йил 10 августдаги “Ўрта махсус, касб-ҳунар таълими муассасалари раҳбар ва педагог кадрларининг малакасини ошириш ва уларни қайта тайёрлаш тизимини янада такомиллаштиришга доир чора-тадбирлар тўғрисида”ги 242-сонли қарори, ЎМКҲТМ 2015 йил 4 декабрьдаги “Ўрта махсус, касб-ҳунар таълими муассасаларида ўқувчиларни дарс машғулотларига иштирок этишлари устидан назоратни кучайтириш тўғрисида” ги 371-сонли ҳамда 2015 йил 4 декабрдаги “Ўрта махсус, касб-ҳунар таълими муассасалари гуруҳ раҳбарлари ва ота-оналар кенгаш фаолиятини такомиллаштириш тўғрисида”ги 370-сонли ва 2015 йил 6 майдаги “Ўрта махсус, касб-ҳунар таълими муассасасининг методик хизмати тўғрисида намунавий низомни тасдиқлаш ҳақида” ги 134-сонли буйруқлари талабларидан келиб чиққан ҳолда педагогик маълумоти бўлмаган таълим тизимида фаолият олиб бораётган мутахассисларнинг педагогик қайта тайёрлаш курси намунавий ўқув дастурига биноан ишлаб чиқилган.
Дастурининг мақсади – ўрта махсус, касб-ҳунар таълими тизими педагог кадрларининг педагогик маҳорати ва нутқ маданияти моҳияти, мазмуни, таркибий қисмлари, нутқ техникаси, педагогик таъсири каби малака ва кўникмаларини ривожлантиришдан иборат.
Дастурнинг вазифалари:

• 
  Таълим-тарбия жараёнида педагогик маҳорат талаблари асосида фаолият юритиш зарурлиги билан таништириш.
  
• 
  Педагогик маҳорат элементлари билан таништириш ҳамда педагогик фаолиятда уларни қўллай билишга ўргатиш.
  
• 
  Педагогик техника элементлари билан таништириш, уни эгаллаш йўлларини амалда кўрсатиш.
  
• 
  Нутқ маданияти, кўринишлари, услублари хақида маълумот бериш.
  
• 
  Нутқ техникаси бўйича маълумотлар бериш ва уни такомиллаштиршга оид машқларни бажартириш.
  
• 
  Нотиқлик санъати, ундан фойдаланиш, йўл қўйиладиган баъзи камчиликлар устида ишлаш.
  

“Педагогик маҳорат” ўқув модулини ўзлаштирган ўрта махсус, касб-ҳунар таълими тизими педагог кадрлари, кейинчалик махсус тайёргарлик модулларини ўрганишларига замин яратган бўлади.
Ушбу модулли ўқув дастури ўрта махсус, касб-ҳунар таълими тизимида фаолият олиб бораётган педагогик маълумоти бўлмаган мутахассис кадрларни педагогик қайта тайёрлаш жараёнида қўлланилади.
Ушбу ўқув модулида тингловчининг ўқув юкламаси 16 соат бўлиб, шундан:
Жами аудитория ўқув юкламаси -12 соат;
Жумладан: Назарий машғулотлар -6 соат;
Амалий машғулотлар -6 соат;
Мустақил тайёргарлик -4 соат