91
Футбол бўйича 2012 йилги Европа чемпионати Украина ва Польша
стадионларида ўтказилиши режалаштирилган.
Чемпионат учрашувларини телекоммуникация воситалари орқали
намойиш
қилиш ҳуқуқи бир миллиард еврога сотилди. Бу янги рекорд бўлди.
Лекин Европа футбол федерациялари уюшмаси (УЕФА) ҳамда чемпионат
ташкилотчилари Украина ва Польша катта даромад олиши ўз-ўзидан
бўлмайди. Чунки беллашувларни нафақат
телевидение, балки интернет ва
мобил телефонлар орқали олиб кўрсатишни
таъминлайдиган замонавий
илғор технологиялар харид қилиниши ва ишга туширилиши талаб этилади.
9-топшириқ. Матнни ўқинг.
ПРОФЕССОР БЕКХЭМ
Дэвид Бекхэмни бутун дунёда футбол профессори сифатида яхши танишади.
У ўзининг ажойиб ўйини ва голлари билан шундай ҳурмат-эътиборга сазовор
бўлган. Мадриднинг “Реал” клубини тарк этиб АҚШнинг “Лос-Анжелес
Гэлакси” клубига ўтганидан сўнг Дэвид университетда ҳам профессорга
айланиш имконига эга бўлди.
Жанубий Калифорния университети Бекхэмга “Футбол қандай қилиб оламни
ўзгартирди” мавзусида маърузалар ўқишни таклиф этди.
Университет
профессори, "Спортнинг дипломатиядаги роли" мавзусидаги
маърузалар муаллифи Николас Калл инглиз футболчисига
дастлабки даврда
маърузаларга материал тайёрлаш ва уларни талабаларга етказишда
кўмаклашадиган бўлди.
“Female First” журнали Николас Каллнинг қуйидаги сўзларини келтирган:
"Дэвид Бекхэм катта футболни тарк этмай
туриб афсонага айланган
спортчилардан. У спорт тараққиётига жуда катта таъсир кўрсатганлардан
бири. Унинг машғулотлари талабаларимиз учун фойдали ва қизиқарли
бўлади деган умиддамиз. Футболга бефарқ бўлганларгина Бекхэмнинг
аҳамиятини тушунмайдилар ва унинг номи спорт тарихига зарҳал ҳарфлар
билан битилганини билмайдилар”.
