Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти

 
3.2. Туристлик хизматларнинг хусусиятлари 
 
Бозор иқтисодиёти шароитида тадбиркорлар одатдаги муҳит даража-
сидан ташқарида бўлиб қолдилар, чунки ягона товар бўлиб моддий маҳсулот,
аниқроғи, унинг торгина қисми –халқ истеъмоли товарлари ҳисобланар эди. 
Янги мунособатлар капитал бозори, ишчи кучлари хизмат бозори ва ҳ.к. каби 
бозорнинг янги сегментларини ўзлаштиришни талаб этади. 
Чет элда хизматлар соҳаси иқтисодиётнинг тез тараққий этувчи
тармоқларидан бири ҳисобланади. Дунёдаги ривожланган мамлакатларда ялпи 
ички маҳсулотда хизматлар улуши 70 фоиздан ҳам ошади. 
Ўзбекистонда туризм бозорини ўрганиш ва ривожлантириш учун, аввало 
туристлик хизматларнинг моҳиятини аниқлаш зарур. 
Хизмат термини халқаро стандартларда берилишича – бу ижро этувчи ва 
истеъмолчи ўртасидаги бевосита ўзаро таъсирнинг натижасидир, ҳамда 
истеъмолчи эҳтиёжини қондириш бўйича ижрочининг шахсий фаолияти 
натижаси ҳисобланади. 
Бу тушунча ўз таркибига қўйидагиларни қамраб олади: 
1. Хизмат истеъмолчилари ва ижро этувчиларнинг ўзаро таъсири; 
2. Ижрочиларнинг ўзлари тамонидан хизмат кўрсатиш жараёни (яъни, 
маълум ишларни бажариш); 
3. «Қайта ташкил қилинган маҳсулот» ёки «хизматлар натижаси» 
кўринишидаги ушбу фаолият натижалари. 
Туристлик хизмат – туристларни мос равишдаги эҳтиёжларини қондириш 
бўйича туристлик корхона фаолияти натижаси ҳисобланади. Туристлик 
корхонанинг иши барча саёҳатларни ташкил қилиш билан бирга алоҳида 
хизматларни ташкил қилиши ҳам мумкин.

---

39 
3.3. Туристлик хизматларнинг «Тўртта 
С
» билан ифодаланиши. 
 
Туризм
хизмат кўрсатиш соҳасининг ташкил этувчиси сифатида ўз 
хусусиятларига ва функциясига эга бўлиб, бу уни хўжалик юритишнинг 
автоном соҳаси эканлигини белгилайди. Бошқа хизмат турлари каби
туристлик хизматлар ўзига хос хусусиятларини шартли равишда «Тўртта