Маркетинг режаси
Маркетинг режаси – бу маркетинг фаолияти стратегиялари, мақсадлари йиғиндиси бўлиб, уларни маълум бир вақт оралиғида амалга ошириш бўйича чора-тадбирлар киради. Бизда маркетинг режасини – маркетинг дастури ҳам дейилади. Маркетинг режаси корхонанинг ҳар бир стратегик хўжалик бирлиги, алоҳида маҳсулот турларини алоҳида бозорлар ҳамда маркетинг компрлексининг барча элементлари бўйича ишлаб чиқилади.
Маркетинг режасининг пировард мақсадлари қуйидагилар:
-бир-бирларининг фаолияти чамбарчас боғлиқ бўлган, кўп сонли шахслар ҳаракатини уйғунлаштириш;
-кутилаётган ҳаракатларнинг ривожланишини аниқлаш;
-ташқи муҳитда юзага келадиган ўзгаришларга доимо тайёр бўлиш;
-фавқулодда ҳодисалар юзага келганда, рационал бўлмаган ҳаракатларни камайтиришга эришиш;
-ижрочилар ўртасидаги ўзаро ҳаракатларни мувофиқлаштиришга эришиш ва бошқаларга.
Маркетинг изланиши
Маркетинг изланиши (тадқиқоти) – бу товарлар ва хизматлар маркетингига боғлиқ бўлган ахборотларни доимо йиғиш, акс эттириш ва таҳлил қилишдан иборат.
Маркетинг ахборотлари
Маркетинг ахборотлари – фирманинг (корхонанинг) маркетинг режасини ёки унинг қандайдир элементларини ишлаб чиқишда, ҳаётга тадбиқ этишда ҳамда қайта кўришда ишлатилади.
Маркетинг назорати
Маркетинг назорати – бу маркетинг стратегияси ва режасини амалга оширишда юзага келадиган натижаларни ўлчаш ҳамда уларга баҳо бериш жараёни бўлиб, у орқали корхона ҳаракатлари самарадорлиги тартибга солинади ҳамда маркетинг мақсадларига эришиш таъминланади.
Маркетинг назоратини уч тури мавжуддир, яъни: йиллик режалар назорати, фойда назорати ва стратегик назорат.
Маданият
Маданият – бу жамият аъзосини оиладан ва жамиятнинг турли институтлари томонидан ўзига қабул қилинган жами асосий қадр-қимматлар (қадриятлар), тушунчалар ҳамда хохишлардир; у бозорда истеъмолчиларнинг хулқ атворини белгиловчи омиллардан бири бўлиб ҳисобланади.
Do'stlaringiz bilan baham: |
