Ўзбекистон республикаси олий ва ўрта махсус таълим вазирлиги тошкент архитектура – қурилиш институти

1.5. Қурилишда тадбиркорлик фаолияти асослари
Тадбиркорлик бозор иқтисодиётига хос бўлган махсус иқтисодий фаолият бўлиб, у ҳалқ хўжалигининг ҳамма соҳасида ҳам кенг қулоч ёймокда. Тадбиркорлик фаолияти «Ўзбекистон Республикасида тадбиркор­лик тўғрисида»ги қонунда шундай таърифланади: «Тадбиркорлик - мулкчилик субъектларининг фойда олиш мақсадида таваккал қилиб ва мулкий жавобгарлиги асосида амалдаги қонунлар доирасида ташаббус билан иқтисодий фаолият кўрсатишидир». Тадбиркорлик ҳаракати қурилиш соҳа­сида кўпроқ кичик, қўшма ва ижара корхоналар, хусусий фирмалар ҳамда концернлар кўринишида намоён бўлмоқда. Шу билан биргаликда якка тартибда қурилиш ишларини бажарувчи тадбиркорлар ҳам йуқ эмас. Давлат қурилиш ташкилотлари учун ҳам тадбиркорлик ҳаракатида фаол иштирок этиш шарт-шароитлари яратилган.
Ўзининг фаолияти миқёсига ва ходимларининг сонига қараб фирмалар кичик, ўрта ва йирик корхоналарга бўлинади. Бизнинг Республикамизда қурилиш соҳасида фаолият кўрсатувчи ва 50 кишигача ишчи-хизматчига эга бўлган фирмалар кичик корхоналар деб юритилади.
Хусусий фирма ишини ташкил қилиш учун бошланғич маблағлар зарур бўлади. Бу маблағлар фирма соҳибининг мавжуд маблағи ҳисобига ёки унинг мол-мулки (уй-жойи, қимматбаҳо буюм ва жиҳозлари)ни гаровга қўйиб олинган қарз маблағлари (кредит) ҳисобига ташкил қилинади ва расмийлаштирилган низом (устав)га фаолият кўрсатадиди.
Қурилиш фирмаларининг қўшма ёки ширкат шаклидаги турлари ҳам мавжуд. Бундай фирма шерикчилик негизида тузилиб олинган фойда-зарар унинг иштирокчилари ўртасида тақсимланади.
Қурилиш соҳасида ижара корхоналарининг фаолияти ҳам алоҳида ўрин эгаллайди. Тадбиркорликнинг бу тури ўзгалар мулкидан (мулкчиликнинг ҳар қандай турида) амалда фойдаланиб фаолият кўрсатиш ва фойда олиш тушинилади. Бунда тадбиркорлар ва мулк эгалари мавжуд қонун-қоидаларга мувофиқ корхона ёки ташкилотни ижарага бериш (олиш) шартлари кўрсатилган ўзаро шартнома тузадилар ва унга амал қилиш кафолатини оладилар.


1.6. Қурилиш ташкилотлари бўлинмалари
Қурилиш ташкилоти бўлинмалари ушбу ташкилотнинг турига, ишлаб чиқариш қувватига қараб ҳар хил бўлиши мумкин. Шунинг учун биз буни қурилиш трести мисолида кўриб чиқамиз. Қурилиш трестининг бош бўлаги раҳбариятдир. Унга трест бошқарувчиси, бош муҳандис ва бошқарувчининг ўринбосарлари киради (1.6.1 - расм).
Қурилиш трестининг иккинчи бир бўлагини бошқариш аппаратини ташкил қилувчи ишлаб-чиқариш, маркетинг хизмати, техникавий, режалаштириш, смета-шартномалар тузиш, меҳнат ва иш ҳақи, кадрлар бўлимлари, марказий лаборатория, бош геодезист, бош технолог, бош энергетик, бош механик, ва бухгалтерия ташкил қилади. Улар асосан ишлаб чиқаришга тайёргарлик қилиш ва бошқариш билан шуғулланадилар.
Трестнинг бевосита қурилиш ишлаб чиқаришда фаолият кўсатадиган бўлаги - бу унинг ишлаб чиқариш бўлинмалари ва уларда фаолият кўрсатадиган ишчи- хизматчилардир.
Қурилишни ташкил қилиш ва бошқаришда маъмурий бошқарув ходимларининг роли катта. Улар бошқарувнинг турли воситалари ва усулларидан фойдаланган ҳолда қурилиш ташкилотининг кўзлаган мақсадига эришишини таъминлайдилар.
Қурилиш устаси (мастер) қурилиш ишлаб чиқаришини ташкил қилиш ва бошқариш тизимида энг қуйи бўғиндир. Унинг вазифаси ўз қўли остидаги ишчиларга иш фронтини яратиш, бунинг учун уларни меҳнат предмети ва қуроллари билан таъминлаш, аниқ иш ҳажмларини кўрсатиб бериш, иш жараёнида унинг сифатини текшириб бориш ва охирида қабул қилиб наряд ёпиш каби ишларни бажариш киради. Қурилиш устаси хизмат вазифасига кўра иш юритувчига бўйсунади.
Қурилишда иш юритувчи (прораб) ўзига ажратилган участкада ягона бошлиқ ҳисобланади. У ўзи бош бўлган объектлар қурилишига ҳар томонлама тўла жавобгардир. Унинг асосий вазифаси қурилиш усталари ишини бошқариш, қурилишда ишчи кучини ва материал-техник ресурслардан тўғри фойдаланиш, иш ва маҳсулот сифатини таъминлаш, белгиланган ишлаб чиқариш режаларини барча кўрсаткичлар бўйича бажарилишини таъминлашдан иборатдир. У иш юритиш ҳужжатларини тузади ва қурилиш усталари томонидан тайёрланган иш юритиш ҳужжатларини текширади ҳамда тасдиқлайди.
Қурилиш ташкилотларида бош муҳандис ишлаб чиқаришни ташкил этиш ва бошқаришда бевосита раҳбарлик ролини ўйнайди. У қурилиш ташкилоти фаолиятидаги техник масалалар бўйича масъулдир. Унинг вазифаси доирасига илм-фан ютуқларини ишлаб чиқаришга қўллаб юқори натижаларни қўлга кириш, янги технология устида бош қотириш, маҳсулот сифа­тини ошириш, меҳнатни муҳофаза қилиш, ташкилотда мавжуд бўлган иш­лаб чиқариш, техникавий, бош механик, бош

1.6.1 - расм. “159 - қурилиш трести” ОАЖ ташкилий структураси (2009 йилдаги ҳолати)

технолог, бош энергетик, меҳнат ва иш хақи бўлимларига ва лабораторияларга раҳбарлик қилиш киради.