Ўзбeкистон рeспубликаси олий ва ўрта махсус таълим вазирлиги заҳириддин муҳаммад бобур номли

Глицерофосфатидлар. Бу фосфатидлар глицерин, юқори мо­лекуляр ёғ кислоталар, фосфат кислота ва азот асосларидан ташкил топган бўлиб, қуйидаги умумий кўринишга эга:
С Н₂—О—СО—R₁
СН—О—СО—R₂
ОН
С Н₂—О—Р=O
О—N

R₁R₂ - ёғ кислоталар қолдиғи, N — азот асослари.

Фосфатидлар таркибидаги азот асосларининг характерига қараб лецитинлар, кефалинлар ва сфингофосфатидларга були­нади.
Лецитинлар ёки холинфосфатидлар. Булар ўсимликлар би­лан ҳайвонлар организмида энг кўп тарқалган фосфатидлардир. Улар таркибидаги азот асосини холин ташкил этади. Холин ўта ишқорий модда бўлиб, сувда ва спиртда яхши эрийди, У қуйидагича ифодаланади:
ОН
Н О—СН₂—СН₂—N—СН₃
СН₃
СН₃
холин
Холин тегишли ферментлар таъсирида таркибидаги метил группаларни бошқа бирикмаларга бериши туфайли моддалар алмашинуви процессида муҳим аҳамиятга эга. Кўпинча лецитин таркибидаги ёғ кислоталарнинг бири тўйинмаган, иккинчиси тўйинган кислоталар бўлади. Таркибидаги ёғ кислотанинг табиатига ва фосфат кислотанинг тутган ўрнига қараб холинфосфатидлар бир-биридан фарқ қилади. Фосфат кислота глицериннинг а- ёки р-карбон атомида жойлашишига қараб, улар а- ва р-лецитинларга бўлинади.
Кейинги йилларда ўтказилган текширишлар натижасида ўсимликлар таркибида фақат а-лецитинлар борлиги аниқланган. р-лецитинлар табиатда топилмаган. Лецитин қуйидагича тузилган:
С Н₂-O-СО-(СН₂)₇-СН=СН(СН₂)₇ – СНз
С Н-O-СО-(СН₂)₁₆-СН₃
ОН СНз
С Н₂-O-Р-O-СН₂- CH₂-N –СН₃
^{О СН}₃
Лецитинлар тегишли фермент ёки ишқор таъсирида таркибий қисмларга ажралади.
Кефалинлар, яъни коламинфосфатидлар ҳам худди лецитинларга ўхшаш тузилган, фақат кефалинлар таркибида холин ўрнида этаноламин ёки коламин бўлади:
OH-CH₂-CH₂-NH₂
коламин
Кефалинлар қуйидагича тузилган:
С Н₂ - О - СО - (СН₂)₁₆ - СНз
С Н-O-СО-(СН₂)₁₆- СНз
ОН
С Н₂- О-Р-О-СН₂-СH₂-NH₂
о
кефалин
Кефалинлар ҳам табиатда кенг тарқалган, лекин ўсимлик­лар таркибида лецитинларга нисбатан кам учрайди.
Серинфосфатидлар таркибидаги азот асосини серин аминокислотаси ташкил этади:
С Н₂-О-СО- (СН₂)₁₆ –СН₃
СН-О-СО-(СН₂)₁₆ –СН₃
ОН
СН₂-О-Р-О-СН₂-СН-СООН
О NH ₂ серинофосфатид
Серинофосфатидлар таркибида эркин карбоксил группа бўлиши улар бирмунча кислотали характерга эга эканлигини кўрсатади. Барча глицерофосфатидлар бир-бирига айланиб туради, чунки улар бир-биридан фақат азот асослари билан фарқ қилади, холос. Бу реакция қуйидагича боради:
С Н₂ – ОН декарбок СН₂ОН метил СН₂-ОН
ОН
CHNH₂ силланиш CH₂NH₂ ланиш CH₂ – N – CH₃
коламин СН₃
СООН СН₃
Серин

Сфингофосфатидлар. Булар таркибидаги юқори молекуляр ёғ кислота, икки атомли аминоспирт (сфингозин) билан пептид боғ орқали бириккан бўлади:

CH₃ – (CH₂)₁₂ – CH = CH – CH – CH –CH₂OH
׀ ׀
OH NH₂
сфингозин
баъзи бир ўсимликларнинг уруғида қуйидаги тузилишга эга бўлган сфинголипидлар борлиги аниқланган. Кўпинча улар фитосфинголипидлар деб аталади.
Серинфосфатидлар эфирларда эримайди, уларни ажратиб олишда ана шу хусусиятидан фойдаланилади. Ғўза чигитидан, буғдой, зиғир донидан, кунгабоқар пистасидан, ерёнғоқ ва бошқа ўсимликлар мевасидан фитосфинголипидлар ажратиб олинган.