Ўзбекистон республикаси олий ва ўрта махсус таълим вазирлиги ўзбекистон республикаси соғЛИҚни сақлаш вазирлиги тошкент тиббиёт академияси

Бу мақсадларни амалга ошириш учун қуйидаги принципларга амал қилиш керак:
1. Малакали тиббий ёрдам олишда ва ижтимоий ҳимоя қилишда аҳолининг Конституциявий ҳуқуқларини сақлаш;
2. Ҳамма тиббий хизмат турларининг аҳолининг барча қатламлари учун баробарлиги;
3. Аҳоли саломатлик ҳолатини ва истиқомат қилиш муҳитини давлат томонидан назорат қилинишини таъминлаш;
4. Бозор муносабатлари тамойиллари ва механизмларини жорий қилиш асосида соғлиқни сақлаш тизимини чуқур ислоҳ қилиш;
5. Оналик ва болаликни муҳофазалашнинг самарадор тизимини яратиш;
6. Профилактик йўналишга қаратилган Соғлиқни сақлаш тизмини яратиш, соғлом турмуш тарзи, рационал овқатланиш, жисмоний тарбия ва спорт билан шуғуланишни кенг тарғибот қилиш;
7. Бепул шошилинч тиббий ёрдам кўрсатишни босқичма-босқич тарзда махсус ҳамда умумдаволаш муассасаларида пуллик тиббий хизмат кўрсатиш билан ҳамоҳанг тарзда олиб борилиши, тиббий суғурта тизимни ривожлантириш;
8. Хусусий тиббий амалиётни ривожлантиришни қўллаб –қувватлаш;
9. Аҳоли саломатлигини ҳимоялаш учун ажратилган маблағларнинг самарадорлигини ошириш.
Соғлиқни сақлаш тизимини ислоҳ қилишнинг асосий вазифалари қуйидагилардан иборат:
1. Давлат томонидан белгиланган ҳажмда аҳолини сифатли бирламчи тиббий-санитария ёрдами билан таъминлаш;
2. Аҳолига шошилинч ва кечиктириб бўлмайдиган тиббий ёрдам кўрсатиш тизимини мустаҳкамлаш;
3. Даволаш-профилактика муассасаларини ташкил қилиш ва жойлаштириш тизимини такомиллаштириш, Умумий амалиёт шифокори тизимига босқичма-босқич ўтиш;
4. Тиббий хизматлар бозори ва тиббий суғурталашни шакллантириш;
5. Бошқаришни соддалаштириш ҳисобига Соғлиқни сақлашни бошқариш тизимининг самарадорлигини ошириш, даволаш-профилактика муассасаларига эркинликни таъминлаш, соғлиқни сақлашда давлатдан ташқари сектор ва хусусий тиббий амалиёт тизимини ривожлантириш;
6. Бепул тиббий хизмат кўрсатишга ажратилган маблағдан самарали фойдаланиш ҳисобига соғлиқни сақлашнинг молиявий базасини мукаммаллаштириш, аралаш ва хусусий молиялаштиришнинг турли хил шаклларини ривожлантириш;
7. Соҳани ислоҳ қилишнинг меъёрий-ҳуқуқий базасини яратиш;
8. Тиббий кадрларни тайёрлаш, қайта тайёрлаш ва малакасини ошириш жараёнини такомиллаштириш;
9. Жисмоний тарбия ва аҳоли саломатлигини профилактика қилишнинг ҳар хил шаклларини интеграциялаш;
10. Халқаро алоқаларни кенгайтириш ва соҳага чет эл инвестициялари ҳамда технологияларини жалб қилиш;
Соғлиқни сақлаш тизими молиявий базасини мукаммаллаштиришни амалга ошириш вазифаси аҳолига тиббий хизмат кўрсатишни бепул (яъни, хизмат кўрсатиш учун маблағлар давлат томонидан ажратилади), ва пулли (яъни, юридик ва жисмоний шахслар томонидан тўланадиган маблағлар) турларга ажритиш йўли билан амалга оширилади.