Ўзбекистон республикаси соғЛИҚни сақлаш вазирининг буйруғИ

1.3. Мактабгача таълим муассасаларида, мактаб- интернатларда ва ёзги болалар дам олиш масканларида болалар орасида касалликни аниқланиши.
Мактабгача тарбия муассасаларига болаларни ҳудудий педиатр томонидан боланинг соғломлиги, юқумли касалликка чалинган беморлар билан мулоқотда бўлмаганлиги тўғрисидаги маълумоти асосида, бактериологик текширувларсиз ҳам қабул қилинади. Болалар бирор бир касаллик ёки бошқа сабабларга кўра 5 ва ундан ортиқ кун давомида муассасаларга келмаслик ҳолатларида, уларни врач педиатрлар томонидан берилган касаллик ташҳиси кўрсатилган маълумот асосида қабул қилинади. Эрталабки қабул вақтида боланинг соғлиғи тўғрисида ота – оналардан сўралади. Ўткир ичак касалликларига шикояти бўлган болалар зудлик билан алоҳидаланади. Боланинг ичи суюқ келган бўлса, қусиш ҳолатлари кузатилган бўлса, ундан лаборатория текшируви учун таҳлил олинади. Боланинг кейинчалик даволаш ва уни кузатиш ҳудудий врач педиатр ёки инфекционист томонидан амалга оширилади.
2. Лаборатория текшируви учун намуналар олиш ва лабораторияга етказиш.
Бемордан лаборатория текширувлар учун намуналар олишга тавсия бериш этиотроп даво курсини бошланишидан олдин ташҳис қўйган врач томонидан амалга оширилади. Олинган намуналар (қусуқ масса, ювилган ошқозон суви ва нажас) бактериология лабораториясига ичак гуруҳи қўзғатувчиларини аниқлаш учун юборилади. Эпидемиологик вазиятга (клиник белгилари, эпид вазият, мавсумийлик) қараб бошқа гуруҳ қўзғатувчиларга (вируслар, шартли патогенли бактериялар, иерсинийлар ва кампилобактерийлар ва б.) текширилиши врач томонидан алоҳида кўрсатилади.
Озиқ-овқат ва унга тенглаштирилган корхоналарга ишга қабул қилинувчи шахслардан ўрнатилган тартибда намуналар олинади.
Ўткир ичак касалликларига чалинган беморлар билан мулоқотда бўлганлардан намуналар олиш даволаш-профилактика муассасалари, мактабгача тарбия муассасалари, мактаб- интернат, ёзги дам олиш масканлари тиббиёт ходимлари томонидан белгиланади.
Шифохонага ётиш мақсадида келган беморлардан бактериологик текширувлар учун намуналар қабул бўлимида олинади. Олинган намуналар 2 соат мобайнида махсус беркитилган идишларда йўлланма билан бактериологик лабораторияларга етказилади. Агар ўз вақтида етказишни иложи бўлмаса, намуналар музлатгичларда сақланиб, 12 соат ичида лабораторияга етказилади Ротавируслар, энтеровируслар ва кампилобактерияларни аниқлаш учун олинган нажас таҳлиллари музлаткичларнинг музхоналарида сақланиши зарур.

3.