Ўзбекистон республикаси соғЛИҚни сақлаш вазирининг буйруғИ

7. Ўткир ичак касаллигига чалинган беморлар билан мулоқотда бўлганлар устидан тиббий кузатув:
7.1. Мулоқотда бўлган мактабгача тарбия муассасалари, шифохоналар, мактаб – интернатлари, ёзги дам олиш масканлари, озиқ – овқат ва унга тенглаштирилган корхона ишчилари ҳамда ҳудудий – профилактик муассасалардаги тиббиёт ходимлари томонидан амалга оширилади.
7.2. Уйдаги ўчоқларда озиқ–овқат, унга тенглаштирилган корхона ишчилари МТМ, мактаб – интернат, ёзги дам олиш масканларига ташриф буюрувчилар тиббий кузатувга олинади.
Мулоқотдагилар устидан тиббий кузатув иш ва ўқиш жойида амалга оширилади.
7.3. Тиббий кузатув 7 кун давом этади, ҳар куни соғлиғи тўғрисида сўров, кўрикдан ўтказиш, ич кетиши кузатилади ва термометрия ўтказилади.
7.4. Ажратилган қўзғатувчиларга қараб этиологияси тасдиқланган ўткир ичак касалликлари устидан тиббий кузатув давомийлиги ва таснифи белгиланади.
7.5. Барча кузатув маълумотлари боланинг ўсиш тарихи ва амбулатор картасига туширилади.
7.6. Ўткир ичак касаллик ўчоғида, кичик ёшдаги, чала туғилган, бошқа касалликлар оқибатида ҳолсизланган (гипотрофия, рахит, камқонлик ва б.) болалар организмида ичак микрофлорасининг патоген қўзғатувчиларга қаршилигини ошириш мақсадида бифидо, лактобактериялар, хамда Saharomyces boulardi сақлаган биологик препаратлар тавсия этилади. Катта ёшдаги болалар, катталар ва эпидемиологик аҳамиятга эга бўлган объектларда ишловчилар орасида дисбактериоз ва ўткир ичак касалликларини олдини олиш мақсадида юқорида кўрсатилган биопрепаратлар қўлланилади.
8. Диспансер кузатув.
9.1. Ўткир ичак инфекцияси билан касалланиб соғайган, озиқ-овқат ва уларга тенглаштирилган корхона ишчилари 1 ой давомида диспансер кузатувига олинади. Бу муддат ичида 2-3 кун оралаб 2 марта бактериологик текширувдан ўтказилади.
9.2. Мактабгача болалар муассасалари, мактаб-интернат болалари орасида ўткир ичак касаллигидан соғайганлар 1 ой муддатга тиббий кузатувга олинади.
Бактериологик текширув кўрсатма асосида (клиник белгилар сақланибдаволаш вақтида доимий ичнинг бузилиш ҳолати, даво курси тугашига қарамасдан қўзғатувчини ажратилиши, вазннинг камайиши кузатилганда) олиб борилади.
9.3. Сурункали ичбуруғ билан касалланганлар 6 ой муддатга (ташҳис қўйилган вақтдан бошлаб) диспансер кузатувига олиниб, ҳар ойда тиббий ва бактериологик текширув ўтказилади.
9.4. Ўткир ичак касаллигига чалинган бошқа тоифа шахсларнинг диспансер кузатуви поликлиника ва шифохона шифокорининг тавсиясига кўра олиб борилади.
Диспансер кузатуви давомида бактериологик текширув учун намуналар ДПМ ходимлари томонидан олинади.
Белгиланган муддат ичида зарур барча текширувлар ўтказилиши, клиник соғайиш ва ҳудуднинг эпидемиологик барқарорлиги аниқланганда кузатувга олинган шахс оилавий шифохоналар инфекционистлари ва ҳудудий даволаш – профилактика муассасалари шифокорлари томонидан диспансер кузатувидан чиқарилади.
Беморларни юқумли касалликлари ҳисобидан ўчирилганлиги ҳақида 025-У, 026-У, 112-У ҳисоб шаклларига қайд этиб қўйилади.