%збекстан республикасы жо№ары

Tayanish tu`sinikleri

1. Toplam-bir neshe avtorlardin` yamasa bir jaziwshinin` shig`armalarinin` jiynag`i
2. Ertek-Turmis waqiyalarin qisqa iqsham syujetler arqali qara so`z tu`rinde bayanlap beriwshi awizeki shig`armanin` tu`ri
3. Satira-(grekshe-masqaralaw) turmistag`i unamsiz na`rselerdi keskin tu`rde qaralap, a`ljiwalap ko`rsetiwshi ko`rkem suwretlew usili
Qadag`alaw sawallari
1. Shayirdin` birinshi toplami haqqinda aytip berin`?
2. Shayirdin` erteklerinin` ideyaliq mazmuni qanday?
3. Shayirdin` balalar poeziyasina qosqan gu`resi neden ibarat?
4. Shayir shig`armalarinin` ta`rbiyaliq a`hmiyetine itibar berin`?


Tema: S.Abbazovtin` qaraqalpaq balalar a`debiyatindag`i orni.
JOBASI:
1. S.Abbazovtin` do`retiwshilik joli
2. Shayir shig`armalarinin` tematikaliq ha`m ideyaliq o`zgeshelikleri
A`DEBIYaTLAR
1. I.Qurbanbaev Qaraqalpaq balalar a`debiyati N., 1992- jil
2.T.Ma`mbetniyazov Qaraqalpaq balalar a`debiyati ha`m onin` mashqalalari N., 1992
1-soraw. Belgili balalar shayiri S.Abbazov o`zinin` mazmunli shig`armalari menen balalardin` ruwhiy du`n`yasinan teren` orin aldi. Onin` ,birinshi kitabi G`Sirli al`bomG` 1962-jili baspadan shiqti. Shayir bul toplaminda awil adamlarinin` turmisin sa`wlelendiredi. Omirde bolip atirg`an o`zgerislerdi, jan`aliqlardi poeziya tili menen qosiq tu`rinde su`wretleydi. Usi kitaptin` betashari bolg`an G`A`mu jag`asinda gu`listan u`lkemG` qosig`inda turmistag`i u`lken o`zgerislerdi so`z etedi. Bul u`lkeni A`jiniyaz benen Berdaqtin`, Sadiq penen Abbazdin`, Japaq penen Ayimxannin` watani dep maqtanish etedi. Xaliqlar doslig`in, xalqimizdin` a`dep-ikramlilig`in, miymandoslig`in jirlaydi. Shayirdin` «Menin` inim» (1964-j), «Jumbaqlar» (1960-j), «Kel ba`ha`rim» (1968), «Mektepte de, u`yde de» (1977), «Mektepte bayram» (1967) kitaplari balalar ushin basip shig`arildi.
Shayir rus, o`zbek balalar a`debiyatinin` jaqsi mazmunli shig`armalarin qaraqalpaq tiline awdarip, balalardi basqa xaliqlar a`debiyatinan xabardar etti. Ol o`zinin` «Sirli al`bom» kitabindag`i «Adam ushin» qosig`inda ulli adamlardi watandi, balalarg`a g`amxor ekenin jirlaydi. Al «Menin` inim» kitabindag`i qosiqlarda balalardin` jas o`zgesheliklerine qaray ku`lki-sikak ug`islarin qollang`an. «Menin` inim» qosig`inda shayir sabaq oqimaytug`in inisi ha`m sol arqali jalqaw balalardi a`shkaralaydi. Sonin` menen birge u`kesinin` minezindegi kemshilikti, onin` jaman a`detlerin jazip, oni jaqsi bala boliwina ja`rdemlesedi. Balalarg`a bolg`an bunday qatnasti shayi sheberlik penen bere alg`an. Shayirdin` G`Sirli al`bomG` poemasinda II jer ju`zlik uris kartinasi su`wretlenip, onin` qaharmanlari Batirbek ha`m Natasha bolip tabiladi. Shig`armada qaraqalpaq jigiti Batirbek penen ukrain qizi Natashanin` uris waqtinda islegen erlikleri, olar arasindag`i dosliq sezimleri arqali olardin` a`jayip obrazlari do`retiledi. Poemada Natashanin` da`rtli turmisi, Batirbektin` qaharmanlig`i qosiq penen saling`an janli su`wret bolip tabiladi.