Зоология ва экология

Fond omborxonalari noriyalarining yillik ish hajmi

Jarayonlarning nomi	A hajm
Donni qabul qilish	1,0
Tozalash (barcha keltirilgan don tozalanadi deb hisoblanib, uning yarmi qabul qilishda, yarmi siloslarda, saqlash vaqtida barcha don yana bir marta separatordan o`tkaziladi, ya`ni [0,5 +(0,5 2) + (2+1)]	3,5
Quritish [qabul qilingan donning 20 %, ya`ni 0,2 x 2]	0,4
Sovutish, yangilash, yirik turkumlarni yaratish, inventarizatsiya	2,5
Donni yuklash	1,0
Jami	8,4 A

Agar bu hajm aylanish hajmini hisobga olib tasavvur qilinsa, fond omborxonalarining ishi 8,4 x 0,4 = 3,36 A, ya`ni noriyalar bazaviy va uzatish elevatorlardagiga nisbatan samarasizroq foydalaniladi.

Fond don omborxonalari 30 - yillarda qurila boshlangan, bunda elevatorlar va don omborxonalari mexanizatsiyalashgan oqimlar ko`rinishida qurilgan.

Mexanizatsiyalashgan oqimlarning markazi elevatorlar hisoblangan.

Fond don omborxonalarining oxirgi loyihalaridan, iste`mol hududlari uchun qurilgan sig’imi 150 ming t bo`lgan elevator qiziqish uyg’otadi. Jihozlar donni avtomobillardan, vagonlardan qabul qilish, tozalash, quritish, vagonlarga va avtomobil transportiga yuklash imkoniyatini beradi.

Don ikkita oqimdan vagonlarga tomidagi tuynuklardan yuklanadi. Quritish uchun RD – 2x25-70 don quritgichi ko`zda tutilgan. Keyin don oxirgi tozalash uchun separatorga va trierlarga yuboriladi, don DN – 2000 avtomatik tarozilarida o`lchanadi.

Elevatorning umumiy sig’imi 157,2 ming t (25,4 ming t oltita silos korpusi va ishchi binodagi 4,8 ming t to`plam bunkeri). elevator 262 ming t yillik don kelishiga mo`ljallangan. elevatorning don bilan amalga oshiradigan maksimal jarayonlari hajmi quyidagicha, t/soat:

Tyemir yo`l transportidan qabul qilish 3000

Quritish, reja, t/sut 1025

Quruq donni tozalash 1025

Vagonlarga yuklash 3000

Avtomobil transportiga yuklash 2000