Зоология ва экология

Bazaviy va uzatish elevatorlari noriyalarining yillik ish hajmi

Jarayonning nomi	Hajm A
	Uzatish	Bazaviy
Qabul qilish	1,0	1,0
Tozalash
Qabul qilishda	0,3 x 1 = 0,3	0,5 x 1 = 0,5
Saqlash jarayonida	0,2 x 2 = 0,4	0,5 x 2 = 1,0
Quritish	0,15 x 2 = 0,3	0,2 x 2 = 0,4
Ichki ko`chirishlar	0,15 x 2 = 0,3	0,5 x 2 = 1,0
Saralash	-	0,5 x 1 = 0,5
Inventarizatsiya	0,1 x 1 = 0,1	0,2 x 1 = 0,2
Jo`natish	1,0	1,0
Jami	3,4 A	5,6 A

YUk aylanish koeffitsientlarini hisobga olganda uzatish va bazis elevatorlari noriyalarining umumiy ish hajmi quyidagicha bo`ladi: uzatish – 3,4 x 6,0 = 20,4 A, bazaviy – 5,6 x 3,5 = 19,6 A, tayyorlov elevatorlarida bu ko`rsatkich 8,55 A ni tashkil qiladi. SHunday qilib, bazis va uzatish elevatorlarida noriyalardan foydalanish, tayyorlov elevatorlarnikidan yuqori bo`ladi.

Bazaviy – uzatish elevatorlarining turlari. 58–rasmda tasvirlangan elevator donni avtomobil, tyemir yo`l va suv transportidan qabul qiladi va tyemir yo`l transportiga yuklaydi. Ishchi binoda unumdorligi 350 t/soat bo`lgan beshta noriya, yuk ko`taruvchanligi 70 t bo`lgan beshta cho`michli tarozi, unumdorligi 100 t/soat dan bo`lgan to`rtta separator o`rnatilgan. Don, ishchi binoning zinapoya panjarasiga tutashgan, alohida binoda joylashgan to`rtta quritgichda quritiladi.
Etti qatorli silos korpusi, 7 m va balandligi 30 m bo`lgan, shaxmat tartibida joylashgan siloslardan iborat. Distantsion boshqaruv tizimi bilan jihozlangan elevator yuklash – bo`shatish ishlarini quyidagi xajmini bajaradi, t/sut:

Qabul qilish:

Avtomobil transportidan 6000

Suv transportidan 8000

Tyemir yo`l transportiga yuklash 8000
Fond omborxonalari. Ular donni tyemir yo`l, suv transportidan qabul qilish; konditsion holatga keltirish jarayonini bajaradi va donni uzoq muddat saqlanishini ta`minlaydi. Fond omborxonalarining tavsifli tomoni – sig’imining kattaligi (80…100 ming t va undan ortiq) va aylanish koeffitsientining kichikligi hisoblanadi (0,3…0,4). Fond omborxonalarida omborxonalar va siloslarning chiziqli joylashuvidan foydalaniladi (60 – rasm). Don omborxonalarining sig’imi elevatorlar (16…20 %) va omborxonalardan (80…84 %) iborat bo`ladi; ular omborxonaning 1…2 oylik sig’imiga hisoblanadi. YUklash qurilmalari yuqori unumdorlikni ta`minlab, bu butun donni zudlik bilan jo`natish zaruratidan yuzaga kelgan.

Keltirilgan don konditsion holatga keltirilganligiga qaramasdan, qo`shimcha tarzda tozalanadi va quritiladi. Buning uchun fond omborxonalarida donni tozalash mashinalari va quritgichlar ko`zda tutiladi.