17-mavzu. Iqtisodiy oʻsish va milliy boylik reja

---

17-mavzu.  IQTISODIY OʻSISH VA MILLIY BOYLIK 

 

Reja 

 

1. Iqtisodiy oʻsishning mazmuni, mezonlari va koʻrsatkichlari. 

2. Iqtisodiy oʻsishning turlari. 

3. Iqtisodiy oʻsishning maqsadi,omillari va yoʻnalishlari. 

4. Milliy boylik tushunchasi va uning tarkibiy tuzilishi. 

5.  Oʻzbekistoning  iqtisodiy  salohiyatdan  samarali  foydalanishi  va  iqtisodiy  oʻsish 

omillari. 

 

1. Iqtisodiy oʻsishning mazmuni, mezonlari va koʻrsatkichlari. 

 

Milliy iqtisodiyotda iqtisodiy rivojlanish qiyin aniqlanadigan jarayon boʻlganligi sababli, 

uning mezonlaridan biri boʻlgan iqtisodiy oʻsish koʻproq tahlil qilinadi.  

Iqtisodiy  oʻsish  bevosita  yalpi  ichki  mahsulot  hajmining  mutlaq  va  aholi  jon  boshiga 

hamda  iqtisodiy  resurs  xarajatlari  har  bir  birligi  hisobiga  oʻsishi,  sifatining  yaxshilanishi  va 

tarkibining takomillashuvida ifodalanadi. 

Iqtisodiy oʻsishni YaIM mutlaq hajmining ortishi orqali yoki aholi jon boshiga real YaIM 

miqdorining  ortishi  orqali  oʻlchash  buning  qanday  maqsadda  amalga  oshirilayotganiga  bogʻliq 

boʻladi.  Odatda  biron-bir  mamlakat  iqtisodiy  oʻsishini  YaIM  mutlaq  hajmining  ortishi  orqali 

oʻlchash  uning  iqtisodiy  salohiyatini  baholashda,  aholi  jon  boshiga  real  YaIM  miqdorining 

ortishi orqali oʻlchash esa mamlakatdagi turmush darajasini taqqoslashda qoʻllaniladi.  

Iqtisodiy  oʻsishning  barcha  tavsifi  yillik  oʻsish  sur’atlarining  foizdagi  oʻlchovida  toʻliq 

oʻz ifodasini topadi: 

 

OʻS 

YIM 

joriy davr

 – YIM 

basis davri 

×100% 

YIM 

basis davri

 

 

bu yerda: 

OʻS – iqtisodiy oʻsish sur’ati, foizda; 

YaIM

bazis davr

 – taqqoslanayotgan davr (yil)dagi real YaIM hajmi; 

YaIM

joriy davr 

– joriy davr (yil)dagi real YaIM hajmi.