Каналлар ва тўлқинларнинг тарқалиши 2-маъруза

Каналлар ва тўлқинларнинг тарқалиши


2-маъруза
Радиочастоталарнинг таснифланиши.
Радиотўлқинларнинг умумий хоссалари.
УҚТ диапазоннинг ўзига хос хусусиятлари.

Радиочастоталарнинг таснифланиши

Барча алоқа тизимлари одатда узатиладиган алоҳида ёки гуруҳли сигнал билан модуляцияланган гармоник ЮЧ тебранишлар кўринишидаги (синусоидал) радиосигналларни ишлатади. Ҳар бир алоқа линиясига маълум полоса ажратилади. Ажратилган полосанинг ўрта частотаси узатувчи радиостанциянинг номинал частотаси дейилади. Халқаро радиоалоқа регламентига мувофиқ радиочастоталар 9 та дипазонларга бўлинган, уларда радиотўлқинларнинг тарқалиши шароитлари бир хил ва 4 дан 12 гача номерлар билан белгиланади. N номерли дипазон пастдан 0,3 · 10^N Гц ва юқоридан 3 · 10^N Гц частота билан чегараланган. Дипазонларга қуйидаги номлар берилган:

Частоталар	Тўлқин узунликлари	Тўлқин узунлигининг метрик номи	Частоталар диапазони номи	Тўлқинлар нимдиапазони
4 - 3...30 кГц	100...10 км	Мириаметрли	Жуда паст ЖПЧ	Ўта узун ЎУТ
5 – 30...300 кГц	10...1 км	Километрли	Паст ПЧ	Узун УТ
6 – 0,3..3 МГц	1км....100 м	Гектометрли	Ўрта ЎЧ	Ўрта ЎТ
7 – 3...30 МГц	100...10 м	Декаметрли	Юқори ЮЧ	Қисқа ҚТ
8 – 30... 300МГц	10...1 м	Метрли	Ультра юқори УЮЧ	Ультра қисқа УҚТ
9 – 0,3...3 ГГц	1 м...1 дм	Дециметрли	Ўта юқори ЎЮЧ
10 – 3..30 ГГц	10...1 см	Сантиметрли	Жуда юқори ЖЮЧ
11 – 30.. 300 Гц	10...1 мм	Миллиметрли
12 – 300... 3000 ГГц	1... 0,1 мм	Децимиллиметрли

Бу ердан кўриниб турибдики, дмапазоннинг номери ортиши билан частоталар диапазони кенглиги ошади, масалан: № 4да Δf₄=27 кГц, №12да эса Δf₁₂=2700 кГц. Диапазоннинг чегараларида радиотўлқинларнинг тарқалиши шароитлари тахминан бир хил. Узатиш жойидан қабуллаш жойига хабарларни ташиш учун радиоалоқа линиясининг ишчи частотаси ёки ташувчи частота қуйидаги талабларни ҳисобга олиш орқали танланади:

1. 
   Ишлайдиган, нурланишлари режалаштириладиган линиянинг керакли пунктларида радиоқабуллашга ҳалақит қиладиган радиостанцияларнинг мавжуд эмаслиги;
   
2. 
   Бу частотада ишлаши янги узаткични ишлашига ҳалақит қилиши мумкин бўлган радиоалоқа ва узатиш тизимларининг мавжуд эмаслиги;
   
3. 
   Танланадиган частота мавжуд радиочастоталарни тақсимланиши режаларини бўйича бу радиоалоқа тури учун ажратилган диапазонда бўлиши керак;
   
4. 
   Узатиладиган радиосигналлар спектри кенглигига мос келадиган етарлича катта кенг частоталар полосаларини эгаллаш имконияти бўлиши кўрак.
   

Келтирилган талабларни таҳлил қилиш билан кўрсатиш мумкинки, кўп каналли радиоканални қуриш барча 9 та диапазонларнинг ҳаммасида ҳам мақсадга мувофиқ бўлавермайди. Масалан, № 4 диапазонда АМ қўлланилганда фақат 3-каналли ТЛФ радиолинияларини ташкил этиш мумкин (ΔF_тлф= 0,3 ÷ 3,4 кГц, Δf_п = 8 кГц, Δf₄ = 27 кГц). Бу диапазонда ҳатто битта узатиш (ΔF_узат= 15 кГц) ва ТV (ΔF_TV= 6 МГц) каналини юқори сифатли узатилишини ташкил этиш мумкин эмас. ТV узатиш учун №8 дипазон, радиоэшиттириш учун, кўп каналли радиолинияни ташкил этиш учун эса одатда УҚТ дипазон (8 ва ундан юқори диапазонлар) ишлатилади. РРЛ каналли ҳисобланади, у ҳолда ташувчи частоталар ЕСЙ орқали алоқа тизимларида бўлганидек УҚТ дипазонида танланади.