Mavzu: aqli zaif bola shaxsining rivojlanishiga oilaning ta'siri mundarija: kirish
Download 0.79 Mb. Pdf ko'rish
|
AQLI ZAIF BOLA SHAXSINING RIVOJLANISHIGA OILANING TA\'SIRI
- Bu sahifa navigatsiya:
- II.BOB. AQLI ZAIF BOLA SHAXSINING RIVOJLANISHIGA OILAVIY MUNOSABATLARNING TA’SIRI.
- Kirish –Ular ham mening farzandlarim, yaxshisi ham, yomoni ham meniki. Sh.Mirziyoyev. Mavzuning dolzarbligi
|
MAVZU: AQLI ZAIF BOLA SHAXSINING RIVOJLANISHIGA OILANING TA'SIRI MUNDARIJA: KIRISH. I.BOB. AQLI ZAIF BOLA SHAXSINING RIVOJLANISHI VA PSIXOLOGIK XUSUSIYATLARI. 1.1. Aqli zaif bola shaxsining rivojlanish xususiyatlari 1.2. Aqli zaif shaxslarga psixologik yondashuv. II.BOB. AQLI ZAIF BOLA SHAXSINING RIVOJLANISHIGA OILAVIY MUNOSABATLARNING TA’SIRI. 2.1. Aqli zaif shaxslarda oila psixologiyasi. 2.2. Aqli zaif shaxsining rivojlanishida oiladagi muloqotning o’rni va ta’siri. XULOSA. FOYDALANILGAN ADABIYOTLAR RO’YXATI. Kirish –Ular ham mening farzandlarim, yaxshisi ham, yomoni ham meniki. Sh.Mirziyoyev. Mavzuning dolzarbligi: Davlatimiz tomonidan imkoniyati cheklangan bolalarga tibbiy hamda ijtimoiy yordam kafolatlangan bо‘lib, respublikamizda alohida yordamga muhtoj bolalar ulardagi nuqson turiga kо‘ra, toifalarga bо‘lgan holda ta’limga jalb etiladi. Shunday toifa bolalarning bir guruhini aqli zaif bolalar tashkil etadi. О‘zbekiston Respublikasi Xalq ta’limi vazirligining yо‘nalishlariga kо‘ra, respublikamizda 86 ta maxsus maktab va maktab-internatlar faoliyat yuritadi. Ushbu muassasalarning bir tarmog‘ini aqli zaif о‘quvchilar uchun mо‘ljallangan yordamchi maktablar, maktab-internatlar tashkil etadi. Aqli zaif bolalar yordamchi maktab-internatlarda ta’lim-tarbiya olish bilan bir qatorda, maxsus dastur asosida kasbiy mehnat malakalarini ham egallab boradilar. Afsuski, bu yaratilgan sharoitlardan qandaydir sabablarga kо‘ra hamma ham birdek foydalana olmayotganini aytib о‘tish joiz. Bolalarni maxsus ta’limga kech, katta yoshda jalb etilishi yoki umuman ta’lim bilan qamrab olinmasligi holatlarining uchrab turishi bugungi kunning muhim muammolaridandir. Imkoniyati cheklangan farzandlarini ta’limga jalb etish, ularni nuqsonlariga kо‘ra maxsus muassasalarga yо‘naltirish ota-onalar oldidagi mas’uliyatli vazifa hisoblanadi. Taassufki, alohida yordamga muhtoj farzandlari bor ota-onalarning hammasida ham nuqsonli bolani tarbiyalash uchun zaruriy savodxonlik yetarli emas. Zero, oilada aqliy jihatdan nuqsoni bо‘lgan bolani tarbiyalayotgan ota- onalarning korreksion-pedagogik savodxonligini oshirish mexanizmini ishlab chiqish hozirgi kunda ham о‘z dolzarbligini yо‘qotmagan masalalardan sanaladi. Yordamchi maktab tajribasidan kelib chiqib shuni aytish mumkinki, ota- onalarning aksariyati oilada aqli zaif farzandlariga tarbiya berishning samarali usullarini yaxshi bilmaganliklari sababli, ular bolaga nihoyatda e’tiborlilik bilan qarab, g‘amxо‘rlik qiladilar. Bolani oilasi va о‘zi uchun zarur bо‘lgan va qо‘lidan keladigan vazifalardan ham ozod etishadi. Bunday ota-onalarni ayblash mumkin emas, ammo ularning rahmdilliklari bola uchun foyda keltirmaydi. Aksincha, haddan tashqari ezgulik mustaqillikka, murakkab hayot sharoitiga yetarli darajada moslashish qobiliyatidan mahrum qiladi. Shu о‘rinda qayd etish kerakki, aqli zaif bolani oilada tо‘g‘ri, korreksion yо‘nalishda tarbiyalashni ota-onalarga о‘rgatish yordamchi maktablar zimmasidagi vazifalardan biri hisoblanadi. Aqli zaif bola yordamchi maktabda tahsil olar ekan, о‘z-о‘zidan oila va maktab hamkorligi yо‘lga qо‘yiladi. Bu hamkorlik aqliy jihatdan nuqsonli bolani tarbiyalayotgan ota-onalarning tibbiy, pedagogik, psixologik savodxonligini oshirishda qulay imkoniyatdir. Respublikamizda aqli zaif bolasi bor ota-onalarning savodxonligini oshirish mexanizmini ishlab chiqish hozirgi kunda о‘z yechimini kutayotgan muammolardan ekan, jamoatchilik tashkilotlari, mahallalar, imkoniyati cheklangan, alohida yordamga muhtoj bolalar ta’lim-tarbiyasi bilan shug‘ullanuvchi maxsus muassasalar о‘z tashabbuslarini kо‘rsatishlari lozim deb hisoblaymiz. Mahallalarda, oilaviy shifoxonalarda ota-onalarga birlamchi korreksion-pedagogik kо‘nikmani berishda shifokor, defektolog, psixolog yordamini tashkil etish alohida yordamga muhtoj bolalarni ota-onalarining savodxonligini oshirishda zaruriy va muhim manba bо‘lib xizmat qiladi. Aqli zaif bolalarni xayotda o‘z o‘rinlarini topishlari uchun ularni ijtimoiy- maishiy xayotga moslashtirib borish zarur. Shuning uchun xam kurs ishimizning mavzusini yordamchi maktab o‘quvchilarining ijtimoiy moslashuvini shakllantirish deb oldik xamda ushbu mavzuni o‘rganib chiqishni o‘z oldimizga maqsad qilib oldik. Download 0.79 Mb. Do'stlaringiz bilan baham: 
|