Turar joy binolari

---

O‘ZBEKISTON RESPUBLIKASI QURILISH VAZIRLIGI
Shaharsozlik normalari va qoidalari
ShNQ 2.08.01-2019
TURAR JOY BINOLARI
1. QO‘LLANISh SOHASI
Ushbu me’yorlar yangi qurilayotgan va rekonstruksiya qilinayotgan turar joy binolarini, shu
jumladan, mulkchilik shaklidan qat’iy nazar, birxonadonli va birlashtirilgan (juftlangan) uylar, 16-
qavatgacha bo‘lgan ko‘p xonadonli uylar (16 qavat ham), maxsus turar-joylarni loyihalash va
qurishga tatbiq qilinadi
Ushbu me’yorlar binolarga ko‘chib kirish va egalik qilish shartlariga, shuningdek inventar va
ko‘chma (ko‘chirib yuriladigan) binolarni loyihalashga tatbiq qilinmaydi.
Turar-joy binolarini loyihalashda, ushbu me’yorlar talablari bilan bir qatorda, qayd etilgan
ilovalarga muvofiq amaldagi me’yoriy hujjatlar ham hisobga olinishi kerak; sanitariya-gigiyena,
yong‘inga qarshi va funksional-tipologik talablar va turar joyni shakllantirish parametrlari,
zilzilabardoshlik, mikroiqlim qulaylikni, energiya tejamkorlik va energiya samaradorlikni ta’minlash
talablari, zamonaviy muhandislik jihozlarini qo‘llash talablari kompleks xolda hisobga olinishi kerak.
Ushbu me’yorlar tabiiy iqlim sharoitlari xususiyatlarini va turar joy turlariga aholining maishiy
ehtiyojini shuningdek nogironlarning hayotiy faoliyati sharoitlarini hisobga oladi. Ushbu me’yorlar
matnida havola qilinayotgan me’yoriy hujjatlar 
1-ilovada
keltirilgan. Havola qilinayotgan me’yoriy
hujjatlar amaldagilar qatoridan chiqarilganda, ular o‘rniga kiritilgan me’yorlarga amal qilmoq lozim.
Mazkur me’yorlarning 
1A-ilovada
keltirilgan termin va atamalar, shuningdek, 
1-ilovada
keltirilgan me’yoriy hujjatlarda qabul qilingan boshqa termin va atamalardan foydalanilgan.
Turar-joy uylar, yotoqxonalar, qariyalar va nogironlar internat uylarining qavatlar sonini,
yashash va umumiy yuzalarini, qurilish hajmini hisoblab chiqish qoidalari 
2-ilovada 
keltirilgan.
Ushbu me’yorlarda majburiy talablar bilan bir qatorda tavsiyaviy qoidalar ham keltirilgan
bo‘lib, unda turar-joyning qulayligi bo‘yicha asosiy sinflari (klasslari) aniqlangan: “oddiy (me’yoriy)”,
“yaxshilangan” va “yuqori”; turar joy qulayligi sinfi bo‘yicha xususiyatlari va parametrlari 
3-ilovada
keltirilgan.
SanPin 0146-04 sanitariya-gigiyena 
normalariga
muvofiq keluvchi turar joy qulaylik darajasi
“oddiy (me’yoriy)” sinfiga mos keladigan me’yoriy parametrlarga rioya qilish majburiy bo‘lib;
“yaxshilangan” va “yuqori” klass qulaylikli turar-joy parametrlari xususiy qurilish uchun tavsiyaviydir.