Қ. Ж. Мирзаев, Э. Ш. Шавқиев,Б. К. Жанзаков

Таянч иборалар
Бозор, хизматлар, инновация, ғоя, меҳнат, маҳсулот, иннова­цион хизмат, аҳоли, ҳудудлар, рағбатлантириш,


Назорат ва муҳокама учун саволлар
1.Миллий иқтисодиётдахизматларнинг тутган ўрнини ёритинг.
2.Хизматларсоҳасидагиинновацияларгатаърифберинг.
3.Хизматлар бозорининг ривожланишига таъсир этувчи шароитларни санаб беринг.
4.Хизматлар бозорининг ривожланишига тўсқинлик қилувчи омилларни айтинг.

8-мавзу.Инновацияларнинг соҳалар бўйича турлари


Режа

8.1. Инновацияларни иқтисодиётнинг турли ўзгаришлар таъсирида шаклланиш зарурияти. Инновацион сиёсат ва инновацион стра­те­гия.

8.2. Инновацион лойиҳалар, соҳалар бўйича инновацион турлари.


8.1. Инновацияларни иқтисодиётнинг турли ўзгаришлар таъсирида шаклланиш зарурияти. Инновацион сиёсат ва инновацион стратегия

Инновациялар вақт ўтиши билан ўзгариб боради ва унинг сама­рали фаолияти бир қатор талабларни бажаришни тақозо этади. Инно­вацияларни яратишда ишончли ҳамкорларнинг бўлиши инно­вациялар яратилиш жараёнини узоқ муддатлилигини таъминлайди. Аммо тажрибалар шуни кўрсатмоқдаки, бирор янги соҳани яра­т­моқчи бўлган корхоналар турли ҳамкорлар билан турли билим­лар­ни эгаллаш мақсадида кучсизроқ алоқа ўрнатишни афзал кўрар экан.

Буларнинг барчаси алоҳида олинган корхона ва ташки­лот­лар­да инновацион сиёсат бўлишини талаб этади ҳамда инновацион страте­гияни белгилаб беради.
Аввало, инновацион сиёсат тушунчасини кенгроқ ёритиб бера­миз. Инновацион сиёсат бу илмий ишлар ва ихтирочилик нати­жаларини ҳаётга жорий этишда (янгиликлар яратиш ва ама­лиётга татбиқ этиш) қўлланиладиган бошқарув, иқтисодий, таш­ки­лий ва технологик қарорлар, усуллар жамланмаси ҳисобланади. Кор­хона инновацион сиёсати мавжуд ресурсларга қараб инно­ва­циялар жорий этиш кетма-кетлигини белгилаб беради. Инновацион сиёсатни амалга ошириш корхонанинг техник иқтисодий ва молия­вий имкониятларидан келиб чиқиб амалга ошади. Инновацион сиё­са­тни шакллантириш, авваламбор, инновацион стратегияни ишлаб чиқиш орқали амалга оширилади. Инновацион стратегия деганда микро (ташкилот, корхона) ва макро (мамлакат) даражада корхона томонидан инновацияни жорий этиш учун амалга ошириладиган яқин ва узоқ истиқболдаги чора-тадбирлар кетма-кетлиги тушуни­лади. Инновацион стратегияни ишлаб чиқариш фан ва техника тех­но­логиянинг ривожланиш даражаси билан узвий боғлиқ.