& Tildin` ja`miyetlik xιzmeti

Birgelkili ag`zalardιn` irkilis belgileri
Ga`ptin` birgelikili ag`zalarιnιn` arasιna to`mendegi jag`daylarda u`tir qoyιladι.
1.Da`nekersiz ,intonatsiya arqalι baylanιsqan birgelkili ag`zalardιn` arasιna u`tir qoyιladι.Mιsalι.Arqa Kavkazda,Oraylιq Aziya respublikalarιnda tamshι usιlι menen palιz eginlerin ashιq jerde jetistiriwge boladι.Bizin` ha`mmemiz onι jaqsι bilemiz,tanιymιz, sιylaymιz.
2.Da`nekerler birgelkili ag`zalardιn` ha`ribi menen ta`kirirlanιp kelgende de, birgelkili ag`zalardιn` arasιna u`tir qoyιladι.Ata aqιlι ko`l boladι,balam ,ha`m mantιqtιradι, ha`m qalqιtadι. Al ko`l dep tastιyιqlawg`a ya qamιslιq, ya jayιlιm suw joq.
3.Birgelikli ag`zalar qarsιlas da`nekerleri arqalι baylanιsιp kelse,da`nekerlerdin` aldιna u`tir qoyιladι.Orazan batιr ulιnιn` dawιsιn esitti, lekin qaramadι.Maman quwandι, biraq marapatlanbadι.
4.Biriktiriwshi ha`m awιspalι da`nekerler ta`kirarlanbay,eki qatarlι birgelkili ag`zaladι baylanιstιrιp kelse,birgelikili ag`zalardιn` arasιna u`tir qoyιlmaydι:Burιng`ι joba ha`m is a`disleri Abduraxmandι hesh qanaatlandιrmadι.
Onι Arzιw ya Shιnιbiykege bildirgen joq.
Da/de da`nekeri eki qatarlι birgelkili bayanlawιshtι baylanιstιrιp kelgende eki tu`rli o`zgeshelikke iye boladι:
A) birgelkili bayanlawιshlar tu`sindiriwshi ag`zalarιna iye bolιp ken`eyip kelse,aralarιna u`tir qoyιladι: Ol albιraqlap do`gereine jalt qaradι da,da`rhal su`wretti qaltasιna salιp qoydι.
B) Da/de da`nekeri arqalι baylanιsqan birgelkili bayanlawιsh tu`sindiriwshi ag`zasιz kelgende,birgelkili bayanlawιshtιn` arasιna u`tir qoyιlmaydι:Ol aytajaq bolιp oylanιp turdι da u`ndemedi.
& Brigelikli ag`zalι ga`plerdegi ulιwmalastιrιwshι so`zler
Ga`p ishinde birgelikli ag`zalar menen qatar ulιwmalastιrιwshι so`zlerde qollanιladι. Ulιwmalastιrιwshι so`zler birgelikli ag`zalardan keyin kelip, olardι ja`mlep, ulιwmalastιrιp ko`rsetedi Birgelikli ag`zalι ga`plerdegi Ulιwmalastιrιwshι so`zler ba`ri, ha`mmesi, ba`rshe, barlιg`ι, ja`mi, bulayrdιn` barlιg`ι, bulardιn` ha`mmesi. T.b sιyaqlι ja`mlew ha`m siltew almasιqlarιnan, ekewi, u`shewi, to`rtew sιyaqlι jιynaqlaw sanlardan ha`m geypara atlιqlardan boladι. mιs: Ajiniyaz, Azat, Pirimbet-u`shewi de juwιrιp kelip na`wbet penen sa`lemlesti. Kitap, da`pter, ruchka- ha`mmesi stuldιn` u`stinde turιptι.
Birgelikli ag`zalar qaysι ag`zann` xιzmetin atqarsa ulιwmalastιrιwshι so`zlerde sol ag`zanιn` xιzmetinde keledi. Mιsalι:
Onda, bizde- ba`rimizde shad ju`rek…. Elektr, kino, Radio , Televidenie –Bulardιn` ha`mmesi bizde a`dettegi ha`m u`yrenisken na`rselerge aylandι.