& Tildin` ja`miyetlik xιzmeti

Kiris ga`p
So`ylewshinin` o`z pikirine qosιmsha pikir bildirip kelgen ga`plerge kiris ga`p delinedi. Mιs: bilemen, bul jerlerde sende bolg`ansan`. Kiris ga`pler du`zlisi jag`ιnan kiris ag`zag`a qarag`anda ken`eyip, ga`plik belgige iye boladι. Olar tiykarg`ι ga`pten intonatsiya arqalι bo`linip aytιladι. Mιs: o`zin`iz bilesiz, qa`nigeler tan`law bas ma`sele bolιp tur.
kiris ga`pler quramι jag`ιnan eki bas ag`zalι ha`m bir bas ag`zalι bolιp keledi. Mιs: men oylayman, bul jer keleshekte gu`llengen m akang`a aylanadι. bilemen, bul jerlerde sende bolg`ansan`. Durιsιn aytιw kerek, jan`a qon`sι menen tez tanιsιp kettik.
Qaratpa ag`za
So`ylewshinin` so`zine qaratιlg`an adam yamasa basqa bir zatlardι,qublιslardι bildiretug`ιn so`zlerge qaratpa ag`za delinedi.
Qaratpa ag`zalar aytιlajaq pikirge basqanιn` dιqqatιn awdarιw, qaratιw ushιn so`ylewshi ta`repinen qollanιladι.
Mιs: Qa`ne,balalar a`n`gimeni son` so`ylesermiz. A`jag`a, seni atam shaqιrιp atιr.
Azat sen bug`an inanba. O`ytip sadalιq etpe ,nadan! –Apa, tilin`di tart, endi jetti.
Qaratpa ag`zalar ko`yuinese ataw sepliktegi adam atlarι ha`m adamg`a qatnaslι aytιlatug`ιn so`zler arqalι bildiriledi. Mιs: Qurdas, ul-qιzιm er jetti. Aqsaqal, raxmet sizge-dedim men og`an
Qaratpa ag`zalar geyde atlιqlasqan kelbetlik ha`m almasιq arqalι bildiriledi.
Ju`zin`e ju`zim tu`spesin , opasιz! . Sen, jiyemurattιn` to`segin salιp jiberish.
Qaratpa ag`za wazιypasιn jer, suw, watan, ta`biyat qublιslarιn, haywanat atlarιn bildiretug`ιn atlιqlar da atqaradι.
Mιs: Dawιl, qarastιn` g`oy. Sa`lem Tashkent , mehribanlι bas qalam.
Qaratpalar eki yamasa birneshe so`zlerdin` dizbeginen de boladι: Mine, bul u`lken iste bizin` ja`miyetimiz en` aldι menen mektepke, qa`dirli joldas mug`a`llimler, sizlerge su`yenedi.