Ў збекистон республикаси олий ва ўрта махсус таълим вазирлиги бош илмий-методик марказ

Дарснинг турини танлаш – ўқитувчининг маҳоратига кўра дарснинг дидактик мақсади, ўқув материалининг мазмуни, дарс учун ажратилган вақт, шунингдек, зарур шарт-шароитнинг танланилишини ифодалайди.
Дарснинг технологик харитаси– дарс ишланмасининг асосий ўзагини ташкил этади. У дарс тури ва танланган методларга қараб турлича бўлиши мумкин. Дарснинг технологик харитаси хусусида маърузанинг кейинги ўринларида алоҳида тўхталиб ўтилади.

2. 
   Таълим жараёнини лойиҳалаш босқичлари ва асосий вазифалари
   

Таълим жараённи лойиҳалаш: лойиҳа –мазмун – фаолият учлиги асосида ташкил этилувчи педагогик фаолиятнинг умумий моҳиятини яхлит ифодалашга хизмат қилувчи лойиҳани яратишдир.
Таълим жараёнини лойиҳалаш қуйидаги босқичларда кечади:
1. Лойиҳани яратиш
2. Талабалар фаолиятини ташхислаш
3. Педагогик жараённи ташкил этиш
4. Педагогик жараённинг самарали кечишини таъминлаш
5. Талабалар фаолиятини назорат қилиш
Таълим жараёнини лойиҳалашда бажариладиган асосий вазифалар қуйидагилардир:

1. 
   педагогик фаолият мазмунини таҳлил қилиш;
   
2. 
   натижаларни олдиндин кўра билиш;
   
3. 
   режалаштирилган фаолиятни амалга ошириш лойиҳасини яратиш.
   

Дарс ишланмаси– бу таълимий мазмунга эга лойиҳа, шунингдек, ўқитувчи томонидан тузилиши мажбурий бўлган ҳужжат ҳисобланади. Уни тузишдаўқитувчининг дарс жараёнидаги фаолиятини режалаштириш, дарс мазмуни бойитиш, таълим самарадорлигини ошириш мақсадикўзланади. Дарс ишланмасини йилдан-йилга такомиллаштириб ва мукаммалллаштириб бориш, янги методларни қўллаш, янги материалларни киритиш билан янгилаб турилиши лозим. Бинобарин, таълим жараёнига янги ДТС, ўқув дастурлари, замонавий таълим технологияларнинг жорий этилиши, ўқитувчи томонидан янги ахборот технологиялари, замонавий техник воситаларининг қўлланиши билан дарс ишланмаларига қўйилган талаблар ҳам ўзгариб боради. Дарс лойиҳаси (ишланмаси)ни учун тайёр, стандарт қолип мавжуд эмас. Чунки дарс “жонли” ташкил этилиши зарур. Дарснинг бу хусусиятига кўра уни ҳеч қандай қолипга солиб бўлмайди. У дарс тури ва танланган методларга қараб турлича бўлиши мумкин.
Таълим жараёнини лойиҳалаш, одатда, технологик паспорт ва технологик хариталар воситасида амалга оширилади.