1 – Ma'ruza Elektr texnologik qurilmalari faniga kirish. Predmeti maqsadi va vazifalari
Download 1.88 Mb.
|
ОМК ЭЛ тех курылмалары УЗ
KONTAKTLI PAYVANDLASH
Kontakt usulida elektr tokida payvandlash uzluksiz ishlb chiqarishda keng qo'llaniladi. Bu usul uchma uchli va chokli payvandlash turlariga bo'linadi (3.3 rasm.). Uchma uch payvandlashda (3.3a rasm) payvandlash trasformatori-ning ikkilamchi chulgami W2 payvandlanayotgan detallarga ulanadi. Bu detallarning bir biriga tegib turuvchi joyidan o'tuvchi payvandlash toki ularni suyuqlanish haroratiga yaqin haroratgacha qizdiradi va keyin ular bir biriga kuch bilan qisiladi. Nuqtali payvandlashda (3.3b rasm) payvandlash transforma-torining ikkilamchi chulgami W2 ga payvandlash elektrodlari ulanadi. Elektrodlar payvandlanadigan ikki metall listni bir biriga kuch bilan siqib, transformatorning ikkilamchi chulgami zanjirini qisqa tutashtiradi, payvandlash toki ta'sirida listlar qiziydi va qisilib qoladi. Chokli payvandlashda (3.3v rasm) payvandlash tokini hosil qilish uchun, payvandlanadigan listlar ikkita aylanuvchi rolik elektrodlar orasidan o'tadi. Payvandlash jarayoni bu holda xuddi uchma uch va nuqtali payvandlashdagi kabi bo'ladi. 3.3 rasm. Kontakt usulida payvandlashning turlari: a uchma uch, b nuqtali, v chokli; 1 payvandlanadigan buyum, 2 elektrodlar, 3 payvandlash transformatori Kontakt usulida payvandlashda qo'llaniladigan transformatorlarning ikkilamchi chulgami odatda bitta o'ramdan iborat bo'ladi. Payvandlash toki transformator birlamchi chulgamining pogonalarini qayta ulash va uni tiristorli kontaktor orqali ulash bilan rostlanadi; tiristorli kontaktor payvandlash tokining talab etilgan vaqt davomida o'tib turishini va tokning rostlanishini ta'minlaydilaydi. Tiristorli kontaktori bo'lgan nuqtali payvandlash mashinasining elektr sxemasi 3.4a rasmda tasvirlangan. Tiristorlar V1 va V2 asosida bajarilgan tiristorli kontaktorlar yordamida payvandlash transformatori PT ning birlamchi chulgamiiga tok beriladi, Transformatorning ikkilamchi chulgamiga payvandlash elektrodi PE ulanadi. Tiristorli kontaktorning ishlashini impusli faza boshqaruv tizimi IFBT ta'minlaydi. 3.4b rasmdan ko'rinib turibdiki, IFBT tizimi V1 va V2 tiristorlarni ochish uchun UB1 va UB2 boshqaruvchi impulslarini hosil qiladi. Bu impulslar tarmoq kuchlanishi UT bilan sinxronlashgan bo'lib, galma galdan tiristorlarning ochilishini ta'minlaydi va tarmoq kuchlanishi transformtorning birlamchi chulgamiga berilishi natijasida uning birlamchi chulgamidan tok I o'tadi. Tiristorlardan o'tuvchi tok nolga teng bo'lganda ular yopiladi. Transformator induktivlika ega bo'lganligi sababli tiristor orqali o'tuvchi tok tarmoq kuchlanishining qutbi almashganda qanday yo'nalishda o'tsa, o'sha yo'nalishda ma'lum vaqt davomida o'tib turadi. t V1 V2 3.4 rasm. Nuqtali payvandlash mashinasining elektr sxemasi (a) va tiristorli kontaktor bilan ishlaganida payvandlash transformatorining kuchlanishi va toki diagrammalari (b) IFBT qurilmasida qat'iy aniq miqdordagi impulslarning hosil qilinishi kontaktorning ishlash vaqtini aniq belgilash imkonini beradi hamda impulslarni tarmoq kuchlanishiga nisbatan siljitishni, ya'ni tiristorlarning ochilish burchagini boshqarishni ta'minlaydi. Tiristorlarning ochilish burchaklarini boshqarish natijasida transformatorning birlamchi hamda ikkilamchi chulgamlaridagi kuchlanishning haqiqiy qiymatlarini keng oraliqda rostlash imkonini beradi va natijada payvandlanayotgan detallarning qanday material tayyorlanganligiga va qalinligiga qarab PE lari orasidagi payvandlash tokining optimal qiymatini tanlash imkonini beradi. 3.3 jadvalda mashinasozlik korxonalarida turli o'lchamdagi va har xil sferik yuzali metall listlarni nuqtali payvandlashda keng qo'llaniladigan nuqtali payvandlovchi mashinalarning asosiy texnik ko'rsatkichlari keltirilgan. 3.7 jadval
Gazsimon va suyuqliklar uchun metall listlardan tayyorlanadigan idishlarni uzluksiz payvand chokli qilib tayyorlashda qo'llaniladigan ba'zi rolikli payvandlash mashinalarning asosiy texnik ko'rsatkichlari 3.8 jadvalda keltirlgan. 3.8 jadval
Uchma – uch payvandlash mashinalari (3.9 jadval) asosan turli o'lcham va kattalikdagi quvur, armatura va sterjenlarni payvandlashda hamda asbobsozlikda keng qo'llaniladi. 3.9 jadval
Download 1.88 Mb. Do'stlaringiz bilan baham: |
ma'muriyatiga murojaat qiling