1 ҳафта октябрь Олтин куз. Қурилиш, конструкция ва математика

Қуриш- ясаш: “Уйча”
Мақсад:

• 
  Қуриш ясашга қизиқиш билдиради;
  
• 
  қуриш намуналарини таҳлил қилади;
  
• 
  геометрик шаклларни айта олади;
  
• 
  қурилишни асраб авайлайди;
  
• 
  қурилишни нутқ орқали тасвирлаб беради.
  

Керакли жиҳоз ва материаллар: қурилиш материали, юк машинаси, арчалар, ўйинчоқлар.
Фаолиятнинг бориши:
1.Турли архитектура иншоотлари тасвирланган суратларни томоша қилиш.
2. “Кимниниг уйчаси?” таълимий ўйини.
3.Уйни лойиҳалаштириш.
4. Болалар ишларини муҳокама қилиш.
5. Қурилиш билан боғлиқ ўйинларни ташкил этиш.


Қўшимча қисм: тарбиячи болаларга кичик ўйинчоқлардан иборат бўлган композицияни қўшимча таклиф этиши мумкин ( дарахтлар , арчалар, скамейка, билан) бадиий сўз билан ифодалаб бериш .
Эътиборга молик жиҳати: Болаларни жамоада ишлаш маҳоратини, кичик қўл моторикасини ва тафаккурини ривожлантириш.


“Фан ва табиат маркази”

" Қумни ўрганиш"

Мақсад: қум билан тажриба, қумнинг хусусиятлари билан таништириш.


Керакли жиҳоз ва материаллар:қум,лоток, лупа, оқ қоғоз варақлари, патнислар, стаканлар.


Фаолиятнинг бориши:

Тажрибалар ўтказиш .

1-Тажриба“Қумнинг таркиби”
Оқ қоғоз варағига қумни тўкиб, уни лупа ёрдамида кўриб чиқинг. Қум нимадан иборат?
( доначалар ) Доначалар қандай кўринишга эга? Доначалар бир-бирига ўхшашми?
2-Тажриба“Қум енгил тўкиладими”. Қўлга бир ҳовуч қумни олиб ва уни аста-секинлик билан чизиқ бўйлаб тўкиш. У осонлик билан тўкилаяптими?
3-Тажриба“Сув қаерга кетди”. Қум тўлдирилган стаканга сув қуямиз.Қумни ушлаб кўрамиз.У қандай ҳолатга келди? Сув қаерга кетди?
4-Тажриба“ Нам қумдан турли керакли шакллар ясаш мумкин, қуруқ қумдан ясалмайди.” Қолипларга қуруқ қумни соламиз. Шакллар ҳосил бўлдими?
Тарбиячи: Қолипларга нам қумни соламиз, шакллар ясаймиз. Шакллар ҳосил бўлдими?
Қайси қумдан шакллар ясашга эришдик.