1-амалиёт машғулоти Вагоннинг юк кўтаришидан фойдаланиш коэффициентини аниқлаш Амалиёт машғулоти бажаришдан мақсад

Суюқликни зичлигини аниқлаш

Цистернадаги суюқлик массасини аниқлаш учун, суюқлик ҳажмидан ташқари унинг зичлигини ҳам билиш керак бўлади. Ҳажм бирлигидаги суюқлик массаси унинг зичиги деб аталади. Ўлчамлари г/см³, кг/м³ ёки т/м³ ларда бўлади. Суюқ маҳсулотларнинг зичлигини махсус асбоб денсиметр ёрдамида аниқланади. Агар нефть маҳсулотининг 20^°С ҳароратдаги зичлигининг паспорт маълумотлари маълум бўлса, мазкур ҳароратдаги унинг ҳақиқий зичлигини денсиметрсиз ҳам – нефть маҳсулоти зичлигининг ҳарорат тузатмаси ёрдамида қуйидаги формула ёрдамида аниқланади,

ρ^t = ρ^20°С – Δ · (t – 20^°С) (12.5)

бу ерда ρ^20°С - нефть маҳсулотининг стандарт зичлиги;

Δ - ўртача ҳарорат тузатмаси, т/(м³ х град);
t - зичлиги аниқланаётган суюқликнинг ҳарорати, ^°С.
Нефть маҳсулотлари учун ўртача ҳар орат тузатмаси (Δ) маълумот материалларининг 6-иловасида келтирилган.


Цистернадаги суюқлик массасини аниқлаш усуллари

Цистернадаги суюқлик массасини аниқлаш қуйидаги кетма-кетликда амалга оширилади:

а) Цистерна қозони ичига қуйилган суюқлик баландлиги метршток ёки ҳисоб-китоблар ёрдамида аниқланади. Қуюш пайтида суюқлик кўпиклашса унинг баландлиги метрштокда аниқлаш кўпик тинганидан сўнг ёки кўпик изолятор ёрдамида аниқланади;
б) маҳсулотнинг ҳароратини ва зичлигини аниқлаш учун цистернадан проба олинади;
в) проба олинган зоҳоти унинг ҳарорати ва зичлиги денсиметр ёрдамида аниқланади ёки (7.5)-формула ёрдамида ҳисобланади;
г) цистерна қозонидаги калибр белгиси бўйича унинг типи белгиланади;
д) аниқланган суюқлик баландлиги бўйича ушбу типдаги цистерна учун темир йўл цистерналарининг калибр жадвалларидан (маълумот материалларининг 5-иловаси) цистерна ичига қуйилган суюқлик ҳажми (V_м) дециметр кубларда (литрларда) аниқланади;
е) цистернадаги маҳсулот массаси (вагоннинг статик юкламаси) қуйидаги формула ёрдамида аниқланади,

Р_ст = V_м · ρ^t , кг (12.6)

Мисол: Паспорт маълумотлари бўйича 20^°С ҳароратда А-93 бензиннинг зичлиги ρ^+14°С = 0,753. Цистернага қуюлган бензиннинг ҳарорати t = +14 ^°С . 15-1427 ва 15-871 моделдаги цистерналарга қуюлган бензиннинг массаси аниқлансин.