1-Amaliy mashg‘ulot Mavzu: Ichki yonuv dvigatellarining tuzilishi va ishlash prinsipi. Ishning maqsadi

IV. Chiqarish jarayoni – porshen yuqoriga xarakatlanganda chiqarish klapani ochiladi va yonishdan hosil bo‘lgan gazlar tashqariga chiqariladi.
Dvigatelni to‘xtovsiz bir maromda ishlashini ta’minlash uchun u o‘zaro nihoyatda yuqori aniqlikda ishlaydigan 2 ta mexanizm va 5 ta tizim bilan ta’minlangan.
4. Ishni tashkil etish tartibi:
Dvigatelni to‘xtovsiz bir maromda ishlashini ta’minlash uchun u o‘zaro nihoyatda yuqori aniqlikda ishlaydigan 2 ta mexanizm va 5 ta tizim bilan ta’minlangan.
Krivoship shatun mexanizmi
Dvigatelning ish jarayonini amalga oshiruvchi mexanizm krivoship-shatunli mexanizm deyiladi.
Vazifasi: Krivoship-shatunli mexanizm (KSHM) porshenning ilgarilama-qaytma harakatini tirsakli valning aylanma harakatiga aylantirib beradi.
Tuzilishi: Krivoship-shatunli mexanizmning barcha detallari harakatlanuvchi va harakatlanmaydigan guruhlarga bo‘linadi.
Silindrlar bloki karteri - bilan dvigatelning asosi hisoblanadi. Silindrlarni birlashtiruvchi qismi-silindrlar bloki, tirsakli val aylanadigan va moy joylashgan, tutashgan bo‘shliq esa karter deyiladi. Suyuqlik bilan sovutiluvchi dvigatellarda bu ikki qism umumiy quymada tayyorlangan va u blok karter deb ataladi. Blok karter ustidan silindrlar kallagi, ostidan karter poddoni, oldidan taqsimlash vali yuritmasining qopqog‘i va orqasidan maxovik karteri bilan yopilgan.
Silindrlar blokining kallagi - yaxlit quyma detal bo‘lib unda yonish kamerasining bir qismi, forsunka yoki svecha o‘rnatiladigan joy, kiritish va chiqarish klapanlari, sovutish g‘iloflari joylashgan.
Porshen- Dvigatelda sodir bo‘ldigan ish siklining barcha prosesslari porshen vositasida bajariladi. YUqori temperatura va o‘zgaruvchan kuchlar ta’sirida ishlaydigan bo‘lganligi uchun engil, mustahkam va issiqni yaxshi o‘tqazadigan Alyuminiy qotishmasidan tayyorlanadi.
Erkin qisilib - kengayishini ta’minlash uchun porshen bilan silindr orasida ma’lum miqdorda tirqish qoldiriladi. Porshenning o‘yilgan o‘yiqlariga zichlovchi va moy sidiruvchi xalqalar kiydiriladi. Porshenning o‘rta qismida joylashgan bobishkalari teshiklariga porshen barmog‘i o‘rnatiladi.