1. Analitik ximiya páni hám oniń metodlari. Analitik ximiya pániniń awil xojaliq pánleri menen baylanisliǵi

E vitamini (tokoferol)

E vitamini (tokoferol) kóbeyiw yamasa antisteril vitamini hám dep ataladi. Aq tishqan hám kemiriwshiler ustinde tájriybeler ótkezilip, olardi uzaq waqitqa shekem jasalma tayyarlanǵan sut penen baǵiw nátiyjesinde olardiń kóbeyiw qábiletleri joǵalǵanliǵi sezilgen. Urǵashilarinda hámiledarliq guzetilmegen. Aziq awqat quramina hár turli jasil ósimlikler hám biyday qosiw nátiyjesinde kóbeyiw óz normasina jetkeni guzetilgen. Bul tájriybe 1922-jilda Bishop hám Ivens degen ilimpazlar tárepinen ótkezilip, olar aziq awqat quramina qanda bir kóbeyiwine járdem beretuǵin zat boliwi kerekligin aniqladi hám oni E vitamini dep atadi.

E vitamini kóbeyiw vitamini dep esaplanadi sebebi ol organizmde jetispegeninde urǵashi erkek haywanlardiń jinsiy organizminde jaman ózgerisler payda boladi. Urǵashi haywanlarda atalaniw kóbinese ámelge asadi, lekin payda bolǵan embrion qayta sorilip ketedi yamasa E vitamini jetispegenligi sebepli joldas qan tamirlariniń jaraqatlaniwi nátiyjesinde bala taslaw guzetiledi yaǵniy bala shala tuwiladi. Erkek haywanlardiń máyeklerinde jetispewshilikler kelip shiǵiwi nátiyjesinde spermatozoidlar atalandiriw qábiletin joǵaltadi, sebebi olar tiykarinan hálsiz bolip, háreket qila almaydi. Soniń ushin hám E vitamini basqasha tokoferol dep ataladi, yaǵniy grekshe tocos-awlad, fero-ótkezemen degen sózlerinen alinǵan. Vitamin E sebepli jaman ózgerisler guyis qaytariwshi haywanlarda deylik guzetilmeydi.