1. Analitik ximiya páni hám oniń metodlari. Analitik ximiya pániniń awil xojaliq pánleri menen baylanisliǵi

C vitamin(antiskorbut vitamini)

C vitamini tiri organizmde judá hár turli fiziologiyaliq waziypalardi orinlawshi vitamin. Soniń ushin hám ol eń áhmiyetli vitamin esaplanadi.

C vitamini birinshi márte 1922 - jili rus ilimpazi N.A.Besonov kapusta shiresinen ajratip alip, oniń oksidleniw hám qaytariliw prosessinde aktiv qatnasatuǵin kislota qásiyetine iye bolǵan zat ekenligin aniqladi. Ol taza halda reńsiz kristall zat bolip mazasi ashshi, suwda judá jaqsi eriydi. Qizdirilǵanda kislotali ortaliqqa shidamli bolip siltili hám neytral ortaliqta tez tarqalip ketedi.

Aldinlari singa keseli iǵalliqtan hám suwiqtan payda bolatuǵin kesellik dep esaplanilǵan. Bul keseliktiń sebebi aziq awqat ónimleriniń jetispewshiliginen ekenligin 1901 - jilda rus ilimpazi V.V. Pashutin aniqlaǵan hám bul keselik asirese qis hám báhár máwsimlerinde organizm aziq-awqat hám hár-turli kók shópler hám miyweler jetispey turǵan waqitlarda kusheyiwi guzetilgen.

Soǵan shekem organizmde uliwma hálsizlik, jurektiń bezilep tez-tez urip turiwi, dem jetispewi, qan tamirlariniń diywallariniń, asirese kapillyar diywallariniń jaraqatlaniwi hám mort bolip qaliwi guzetiledi. Nátiyjede teri, bulshiq etler hám basqa organlarǵa hám qan quyiliwi mumkin. Askorbat kislota buyrek usti bezleri qabiǵi gormonlariniń kortikosteroidlardiń oksidleniw hám qaytariliw prosesslerin qorǵawda, bawirda bolsa uglevodlardan glikogenniń sintezleniwinde qatnasadi.