1. Fuqarolik qonunchiligi. Tadbirkorlik / Tadbirkorlik faoliyatini davlat tomonidan qo‘llab-quvvatlash]

III. Taraflarning javobgarligi
3.1. Tadbirkorlik subyekti subsidiya berilishi uchun yolg‘on yoki noto‘g‘ri ma’lumotlarni taqdim etganligi uchun qonunchilikka muvofiq javobgarlikka tortiladi va kontrakt bir tomonlama bekor qilinadi.
3.2. Kontrakt bajarilishi monitoringini olib borish mahalliy mehnat organlari va mahallada tadbirkorlikni rivojlantirish, aholi bandligini ta’minlash va kambag‘allikni qisqartirish masalalari bo‘yicha tuman (shahar) hokimi yordamchilari tomonidan amalga oshiriladi. Kontrakt shartlari bajarilishi monitoringini olib borish har oyda bir marotaba 6 (olti) oy davomida kasanachilar bilan bevosita uchrashish orqali amalga oshiriladi.
Kontrakt shartlari bajarilmagan hollarda mahalliy mehnat organi tegishli dalolatnoma rasmiylashtiriladi va ushbu kamchiliklarni bartaraf etish bo‘yicha tadbirkorlik subyektiga xabarnoma yuboriladi. Tadbirkorlik subyekti tomonidan uzrsiz sabablarga ko‘ra kontrakt shartlari bajarilmagan taqdirda, kontrakt bekor qilingan kundan e’tiboran o‘n ikki oygacha ushbu tadbirkorlik subyekti bilan kontrakt tuzilmaydi.
IV. Fors-major holatlari
4. Taraflardan hech biri ularning irodasi va xohishiga bog‘liq bo‘lmagan holda kelib chiqadigan, ya’ni ishtirokchilarga bog‘liq bo‘lmagan sabablar, jumladan, kasallik, kontrakt bajarilmasligiga olib keladigan xolisona sabablar tufayli bajarilmagan hollarda kontraktning amal qilish muddati uzaytirilishi mumkin hamda majburiyatlarni bajarmaganlik uchun boshqa taraf oldida javobgar bo‘lmaydilar.
V. Kontraktning amal qilish muddati
5.1. Kontrakt imzolangan kundan boshlab kuchga kiradi va 6 (olti) oy amal qiladi.
5.2. Kontrakt ikki nusxada tuzilgan bo‘lib, bir xil yuridik kuchga ega.

Tuman (shahar) Aholi bandligiga

Tadbirkorlik subyekti

ko‘maklashish markazi rahbari

__________________ (imzo)

_________________ (imzo)

^(F.I.O)

^(F.I.O)

____________ (sana)

___________ (sana)

Vazirlar Mahkamasining 2022-yil 14-oktabrdagi 596-son qaroriga
3-ILOVA
Nodavlat ta’lim tashkilotlarida davlat buyurtmasi asosida kasanachilik faoliyati bilan shug‘ullanish istagini bildirgan ishsiz va band bo‘lmagan fuqarolarni kasbga o‘qitish tartibi to‘g‘risida
NIZOM
1-bob. Umumiy qoidalar
1. Mazkur Nizom mehnat bozorining joriy va istiqboldagi ehtiyojlari asosida shakllantirilgan davlat buyurtmasiga muvofiq davlat va nodavlat ta’lim tashkilotlarida fuqarolarni kasanachilik yo‘nalishida kasbga o‘qitish hamda ularga malaka sertifikati berishni tashkil etish tartibini belgilaydi.
2. Ushbu Nizomda quyidagi asosiy tushunchalardan foydalaniladi:
davlat va nodavlat ta’lim tashkilotlari — davlat buyurtmasi asosida ishsiz va band bo‘lmagan shaxslarni kasanachilik yo‘nalishida kasbga o‘qitish bo‘yicha xizmat ko‘rsatuvchi tashkilotlar;
ishsiz va band bo‘lmagan shaxslarni kasanachilik yo‘nalishida kasbga o‘qitish bo‘yicha davlat buyurtmasi (keyingi o‘rinlarda — davlat buyurtmasi) — mehnat bozorining joriy va istiqboldagi ehtiyojlari asosida ishsiz va band bo‘lmagan shaxslarni kasanachilik yo‘nalishida kasbga o‘qitish uchun beriladigan buyurtma.
3. Kasanachilik faoliyati bilan shug‘ullanish istagini bildirgan ishsiz va band bo‘lmagan shaxslar (keyingi o‘rinlarda — kasanachilar)ni kasanachilik yo‘nalishida kasbga o‘qitish quyidagi hollarda amalga oshiriladi:
kasbi mavjud bo‘lmaganda;
mavjud kasbiy ko‘nikmalariga maqbul ish yo‘qligi sababli kasbni o‘zgartirish zarurati bo‘lganda;
kasbiy ko‘nikmalari mavjud bo‘lmaganligi yoki yetarli bo‘lmaganligi, kasbiga doir talablar o‘zgartirilganligi bois malaka oshirishi zarur bo‘lganda;
avvalgi kasbi bo‘yicha ish bajarish qobiliyati yo‘qotilganda.
4. Kasanachilarni kasbga o‘qitish:
O‘zbekiston Respublikasi Bandlik va mehnat munosabatlari vazirligi tizimidagi “Ishga marhamat” monomarkazlari, kasb-hunarga o‘qitish markazlari hamda mahallalarda tashkil etilgan kasbga o‘qitish maskanlarida;
vazirlik va idoralar tizimidagi professional ta’lim tashkilotlarida tashkil etilgan qisqa muddatli kasb-hunarga o‘qitish kurslarida;
nodavlat kasb-hunarga o‘qitish tashkilotlarida amalga oshiriladi.
2-bob. Davlat buyurtmasini shakllantirish
5. Davlat va nodavlat ta’lim tashkilotlarida davlat buyurtmasi asosida kasanachilarni kasbga o‘qitish ushbu Nizomga ilovada keltirilgan sxemaga muvofiq amalga oshiriladi.
6. Tuman (shahar) hokimliklari, tuman (shahar) aholi bandligiga ko‘maklashish markazlari Mahallabay ishlash va tadbirkorlikni rivojlantirish markazi bilan birgalikda kelgusi yil uchun joriy yilning 10-dekabriga qadar:
hududlarda faoliyat yuritayotgan davlat va nodavlat tashkilotlarining kasanachilik yo‘nalishlarida malakali kadrlarga bo‘lgan talab va ehtiyojlarini o‘rganadi;
kasbga o‘qitishga ehtiyoji bo‘lgan fuqarolarning kasanachilik faoliyati yo‘nalishlari bo‘yicha kasblar bo‘yicha davlat buyurtmasini ishlab chiqadi;
ishlab chiqilgan davlat buyurtmasini tasdiqlash uchun Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklarining Kasbiy malaka va bilimlarni rivojlantirish bo‘yicha hududiy kengashlariga (keyingi o‘rinlarda — hududiy kengashlar) taqdim etadi.
7. Hududiy kengashlar taqdim etilgan davlat buyurtmalarini umumlashtirib, tahlil qiladi va besh kun ichida tasdiqlaydi.
Davlat buyurtmasiga tegishli o‘zgartirish va qo‘shimchalar kiritish hududiy kengashlar tomonidan amalga oshiriladi.
3-bob. Davlat buyurtmasi asosida kasanachilarni kasbga o‘qitishga yo‘naltirish
8. Qoraqalpog‘iston Respublikasi Bandlik va mehnat munosabatlari vazirligi, viloyatlar va Toshkent shahar bandlik bosh boshqarmalari Mahallabay ishlash va tadbirkorlikni rivojlantirish markazlari bilan birgalikda:
ushbu Nizomning 4-bandida ko‘rsatilgan kasbga o‘qitish bo‘yicha belgilangan davlat va nodavlat ta’lim tashkilotlarining yillik o‘qitish ehtiyojlaridan kelib chiqqan holda o‘qitish taqsimotini ishlab chiqadi;
o‘qitish taqsimotiga asosan davlat va nodavlat ta’lim tashkilotlarida kasanachilarni kasanachilik yo‘nalishida kasbga o‘qitish ishlarini tashkil etadi;
kasbga o‘qitish jarayonlarini monitoring qilib boradi;
kasbga o‘qitilgan kasanachilarni kasanachilik faoliyati yo‘nalishlari bo‘yicha kasbiy malaka darajasini baholash uchun malakani baholash markazlariga yuboradi.
4-bob. Davlat buyurtmasi asosida kasanachilik yo‘nalishida kasbga o‘qitilgan kasanachilarni malaka darajasini baholash
9. Qoraqalpog‘iston Respublikasi Bandlik va mehnat munosabatlari vazirligi, viloyatlar va Toshkent shahar bandlik bosh boshqarmalari davlat buyurtmasi asosida davlat va nodavlat ta’lim tashkilotlarida kasbga o‘qigan kasanachilarning malaka darajasini baholash uchun ularni malakani baholash markazlariga, shu jumladan, “Ishga marhamat” monomarkazlarida tashkil etilgan malakani baholash markazlariga yuborilishiga ko‘maklashadi.
Bunda nodavlat ta’lim tashkilotlarida kasbga o‘qigan kasanachilar malaka darajasini baholatish uchun o‘zlari ixtiyoriy ravishda murojaat qilishi mumkin.
10. Malakani baholash markazlari tomonidan:
O‘zbekiston Respublikasi Prezidentining 2020-yil 31-dekabrdagi PQ-4939-son qarori bilan tasdiqlangan Malaka darajalariga erishish sxemasi asosida kasbga o‘qitilgan kasanachilar malakasi baholanadi;
baholashdan muvaffaqiyatli o‘tgan kasanachilarga o‘n kun ichida malaka sertifikati beriladi.
5-bob. Kasanachilarni kasanachilik yo‘nalishida kasbga o‘qitishni moliyalashtirish
11. Kasanachilarni kasbga o‘qitish bilan bog‘liq faoliyat O‘zbekiston Respublikasi Bandlikka ko‘maklashish davlat jamg‘armasi mablag‘lari hisobidan tasdiqlangan xarajatlar smetasi doirasida moliyalashtiriladi.
Bunda nodavlat ta’lim tashkilotlarida kasanachilik yo‘nalishida o‘quv kurslarini tamomlagan har bir bitiruvchiga kasbga o‘qitish uchun sarflangan xarajatlarning 70 foizi, biroq har bir bitiruvchiga bazaviy hisoblash miqdorining 4 barobaridan oshmagan miqdori davlat tomonidan qoplab beriladi.
6-bob. Yakunlovchi qoida
12. Mazkur Nizom talablarining buzilishida aybdor bo‘lgan shaxslar qonunchilikda belgilangan tartibda javob beradilar.
Davlat va nodavlat ta’lim tashkilotlarida davlat buyurtmasi asosida kasanachilik faoliyati bilan shug‘ullanish istagini bildirgan ishsiz va band bo‘lmagan fuqarolarni kasbga o‘qitish tartibi to‘g‘risidagi nizomga
ILOVA
Davlat va nodavlat ta’lim tashkilotlarida davlat buyurtmasi asosida kasanachilik faoliyati bilan shug‘ullanish istagini bildirgan ishsiz va band bo‘lmagan fuqarolarni kasbga o‘qitishni amalga oshirish
SXEMASI