37-масала
“Қурбон” АЖ суғурта ташкилотининг топшириғига кўра ўз номидан турли суғурталанувчилар билан суғурта шартномаси имзолади. Шундай шартномалардан бирини у “Тож” АЖ билан ҳам имзолади. Суғурта ташкилоти суғурта ҳодисаси содир бўлгандан сўнг суғурта товонларини ўз вақтида ўтказди, лекин “Қурбон” АЖнинг айби билан суғурта товони “Тож” АЖга бир оз кечиктириб тўланди.
Суғурталовчи адвокатга ушбу ҳолатда суғурта товони кечиктириб тўланганлиги қандай оқибат келтириб чиқаришини сўраб мурожаат қилди.
Қандай маслаҳат бериш мумкин? Суғурта брокерининг фаолият кўрсатиш тартиби қандай?
38-масала
Солиев ўз ҳаётини набираси Олимова фойдасига суғурталади, лекин бир ойдан сўнг суғурталовчининг розилиги билан наф кўрувчи қилиб ўзининг қизи Ботировани белгилади ва бир ҳафтадан сўнг вафот этди. Суғурта мукофотининг миқдори катта бўлганлиги учун, Олимова мукофотни ўзига берилишини талаб қилди ва суғурта шартномасида наф кўрувчини алмаштириш кўзда тутилганлигини айтди.
Ишни ҳал қилинг. Суғурталанган шахс билан наф кўрувчи ўртасидаги фарқ нимада? Суғурталовчи суғурталанган шахснинг розилигисиз уни ўзгартириши мумкинми?
Do'stlaringiz bilan baham: | 
