1. Konstitutsiya tushunchasi 2
Konstitutsiyasi hisoblanadi. Zotan, Konstitutsiya davlatni davlat, millatni millat sifatida
Download 183.89 Kb. Pdf ko'rish
|
4-Mavzu. O’zbekiston Respublikasining Konstitutsiyasi - inson huquq
- Bu sahifa navigatsiya:
- Konstitutsiya deganda – oliy yuridik kuchga ega davlatning asosiy qonuni tushuniladi. Bu qonun davlat tuzilishining asosiy prinsiplarini, shaxsning
Konstitutsiyasi hisoblanadi. Zotan, Konstitutsiya davlatni davlat, millatni millat sifatida
dunyoga tanitadigan Qomusnomadir” , – degan so‘zlari faqat O‘zbekiston konstitutsiyasiga emas, umuman Konstitutsiyalarga berilgan bahodir. Konstitutsiya davlatning oliy kuchga ega qonuni, u Asosiy qonun deb ham ataladi. Sababi, konstitutsiya davlatchilikning, qonuniylik va huquq-tartibotning, qonunchilikning asosi. Konstitutsiya, eng avvalo, yuridik hujjatdir. Uning shu xususiyatlari va sifatlari konstitutsiyaviy huquq fanining predmetini tashkil etadi. Konstitutsiya boshqa qonunlar kabi faqat yuridik hujjat sifatidagina namoyon bo‘lmay, u siyosiy hujjat hamdir. Chunki konstitutsiya jamiyatdagi siyosiy munosabatlarni ham tartibga solishga ta’sir etadi. Huquqiy davlatlar yoki shunday davlat qurayotgan mamlakatlar konstitutsiyalari g‘oyaviylikdan holidir. Faqat ular ko‘pg‘oyaviylikning, plyuralizmning vujudga kelishi uchun, agar ular hammabop g‘oya bo‘lsa, sharoit yaratishi mumkin. Shunday qilib, Konstitutsiya deganda – oliy yuridik kuchga ega davlatning asosiy qonuni tushuniladi. Bu qonun davlat tuzilishining asosiy prinsiplarini, shaxsning huquqiy holati asoslarini, hokimiyat organlari tizimi, tarkibi, tashkil bo‘lish tartibi, vakolatlari, o‘zaro munosabatlari, davlatning jamoat birlashmalari bilan munosabatlari asoslarini belgilovchi normalar yig‘indisidan iborat bo‘ladi. Konstitutsiya davlat funksiyasi doirasini, uning shaxs va jamiyat bilan aloqasi asoslarini o‘rnatish bilan konstitutsiyaviy tuzum asoslarini belgilaydi. Konstitutsiya mohiyatini mavjud tuzumda qo‘lga kiritilgan yutuqlar, ularning fuqarolar manfaatiga qanchalik mosligi belgilaydi. Shu va konstitutsiya bilan tartibga solish doirasi turli mamlakatlarda turlichaligi, konstitutsiyaviy huquq nazariyasida konstitutsiya tushunchasi, mazmuni va mohiyati haqida yagona fikr yo‘qligiga sabab bo‘ladi. Bundan tashqari turli mamlakatlar rivojlanish taraqqiyotining har xilligi, konstitutsiya qabul qilinayotgandagi sharoitlarning har xilligi, xalqning ongi, dunyoqarashi, hatto axloqidagi farqlar ham bu masalalar yuzasidan turlicha fikrlar bo‘lishi tabiiy ekanligini ko‘rsatadi. AQSh Konstitutsiyasi to‘rt asr yuzini ko‘rgan Konstitutsiyadir. U qabul qilingan 1787- yildagi sharoit va jamiyat taraqqiyoti XX asr oxiridagi va hozirgi sharoitdan mutlaqo farq qiladi. AQSh Konstitutsiyasi, shundan kelib chiqib, faqat hokimiyatga bog‘liq masalalarnigina hal qilgan. Keyingi kiritilgan qo‘shimchalargina inson huquqlariga taalluqli bo‘lgan. Shuning uchun AQShning Konstitutsiyasini sof davlat (jamiyat emas) konstitutsiyasi va huquqiy hujjati desak bo‘ladi. Angliyada esa hozirgacha yozilgan, ya’ni yagona shakldagi konstitutsiya yo‘q. Shuning uchun ularning konstitutsiyalariga nisbatan keyingi davrda qabul qilingan konstitutsiyalarga ishlatiladigan ta’rifni qo‘llab bo‘lmaydi. Ikkinchi jahon urushidan keyingi mustamlakachilik tuzumining yemirilishi natijasida vujudga kelgan davlatlar, Sovet Ittifoqi tarqalib ketishi natijasida vujudga kelgan mustaqil davlatlar konstitutsiyalarining tartibga solish doirasi nihoyatda kengaytirildi, bu Konstitutsiyaning mohiyati mazmuniga yangicha ta’rif berishga asos bo‘ladi. Lekin, Konstitutsiya tushinchasiga beriladigan ta’riflarda, albatta, uning fuqaro va shaxs huquqiy holati, erkinligining kafolati ekanligi, davlat hokimiyatini demokratik tashkil qilish hokimiyatlar bo‘linishi, prinsipida bo‘lishi, xalq suvereniteti saylab qo‘yiladigan vakillik organlari orqali amalga oshirilishi, konstitutsiya erkinlik va hokimiyat munosabatida mutanosiblik bo‘lishini ta’minlanishi o‘z ifodasini topishi kerak. Markscha-Lenincha konstitutsiyaviy ta’limotga asosan, konstitutsiyaning mohiyatini sinfiy kurashdagi sinfiy kuchlar nisbati belgilar edi. Bu ularning asosiy ta’limotida jamiyatning sinflarga bo‘linishi, albatta hukmron sinfning mavjud bo‘lishi, ularning irodasi hamma narsani belgilashi, boshqalarning shu irodaga bo‘ysunishga majburligi haqidagi ta’limotlariga mos edi. U ta’limotda hokimiyat kimgadir (qandaydir) guruhga tegishli bo‘lishi qat’iy e’tirof etilar, bu narsa yashirilmas edi. Hozirgi demokratik jamiyatlarda hokimiyat mexanizmi bu kelishuvchilikdir (sheriklik), chunki jamiyatda siyosiy kuchlar turlituman bo‘lib, hokimiyat uchun kurashuvchi subyektlar soni cheklanmagan. Hokimiyatdagi kelishuvchilik (sheriklik) istalmasada, ixtiyoriylik asosida bo‘lib, umumiy maqsadga erishishda manfaatdorlik bo‘lishidan, hokimiyat va erkinlik masalasini qonun asosida hal qilish zarurligidan vujudga keladi. Shuning uchun hozirgi konstitutsiyalar, hatto eng kuchli bo‘lsa ham, ayrim, ijtimoiy sinflarning manfaati uchungina xizmat qila olmaydi. O‘zbekiston Konstitutsiyasi sinfiylikdan holi, xalq manfaatini ifoda etuvchi konstitutsiyadir. “Konstitutsiya o‘zining tub mohiyati, falsafasi, g‘oyasiga ko‘ra yangi hujjatdir. Unda kommunistik mafkura, sinfiylik, partiyaviylikdan asar ham yo‘q” . Hozirgi kunda, hatto, ayrim guruh yoki sinf o‘z hukmronligini o‘rnatgan vaqtda ham, demokratik jamiyat uchun xos bo‘lgan, umume’tirof etilgan qadriyatlardan boshqa, yangi narsani taklif qilishni tasavvur qilish qiyin. Shuning uchun o‘rnatiladigan tuzum, u qanday bo‘lishidan qat’i nazar, hukmronlar tomonidan demokratik deb e’lon qilinadi, hatto o‘zi avtoritar yoki totalitar bo‘lsa ham. Ular hech qachon nodemokratik konstitutsiyalar qabul qilishga tavakkal qilmaydi. Mamlakatda kelishuv faqat hokimiyat mexanizmini yaratishda bo‘lishi mumkin. Inson huquq va erkinliklarini (bu konstitutsiyaning asosiy maqsadi) aniqlashda kelishuv bo‘lishi mumkin emas. Totalitar tuzum va demokratik tuzumdagi davlatlarning konstitutsiyalari bir-biridan farq qiladi. Totalitar tuzum davlatlari konstitutsiyalarida davlatning rahbarlik roli konstitutsiyaning o‘zida ko‘rsatib qo‘yiladi va hukmron partiyaning g‘oyaviy ko‘rsatmalari ta’siri iqtisodiy va siyosiy tizimga to‘la tatbiq qilinadi. Shu asosda mafkura, g‘oya asosiy qonun darajasiga ko‘tariladi. Demokratik jamiyatda esa, uning aksidir. Bu jamiyat hamma sohada davlat boshqaruviga, rahbarligiga muhtoj emas. Bu jamiyatda konstitutsiya davlatga jamiyatni himoyalash vazifasini yuklaydi. Bunday jamiyatdagi konstitutsiyalarda davlatning jamiyatni himoyalash, fuqaro mas’uliyatini himoyalash vazifasi aniq belgilab qo‘yiladi. Konstitutsiyalar muqaddima qismining mavjudligi bilan ham boshqa qonunlardan farq qiladi. Muqaddima tantanali – deklarativ xarakterdagi ta’kidlardan iborat bo‘lib, ular yuridik kuchga ega emas. Muqaddimada davlatning maqsad va vazifalari, davlatchilikda qabul qilinadigan, tayaniladigan qadriyatlar, xalq va kelajak avlod oldidagi mas’uliyat belgilanadi. Bu g‘oyalar keyinchalik turli ko‘rinish va shakllarda konstitutsiya normalarida o‘z aksini topadi. Shuning uchun ham, konstitutsiyalarga ta’rif berilganda, konstitutsiya qo‘lga kiritilgan yutuqlarni, mavjud ijtimoiy munosabatlarni mustahkamlovchi hujjat bo‘lib qolmay, maqsad va vazifalarni belgilovchi hujjat hamdir, deb ta’riflanadi. Har qanday mamalaktlar konstitutsiyalarining mohiyati, vazifasi, xususiyatlari uning prinsiplari orqali ma’lum bo‘ladi. Prinsip konstitutsiyaning mohiyati, yuridik tabiatiga ta’sir qiladigan ularni aks ettiradigan asosiy g‘oyalardir. Ko‘p hollarda, mamlakatimizda amal qilayotgan “Konstitutsiyaviy huquq” darsliklarida ham “konstitutsiyaning prinsiplari”, “Konstitutsiyaviy prinsiplar” bilan bir narsa, deb qaralib, chalkashtirib yuboriladi. Konstitutsiyamizning birinchi bo‘limi “Asosiy prinsiplar” deb nomlanganligi uchun uning har bir bobi – “Davlat suvereniteti”, “Xalq hokimiyatchiligi”, “Konstitutsiya va qonunning ustunligi”, “Tashqi siyosat” – konstitutsiyaning prinsiplari sifatida bayon qilinadi . Aslida bular konstitutsiyaviy-huquqiy institutlar bo‘lib, ulardagi normalar shu institutlarning, aniqrog‘i, konstitutsiyaviy tuzumning prinsiplaridir. Shuning uchun, “konstitutsiyaviy prinsip – bu konstitutsiyada mustahkamlangan va konstitutsiyaviy huquqiy institutlarning prinsiplaridir. Konstitutsiya prinsipi esa, konstitutsiyani xarakterlovchi, mohiyati, vazifasi, yuridik tabiatini, maqsadini belgilovchi asosiy g‘oyalar hisoblanib, ular konstitutsiyaning o‘zida aniq yozilgan bo‘lishi shart emas. Masalan, “insonparvarlik” prinsipini konstitutsiyaning barcha qoidalarida his qilish mumkin. Konstitutsiyaning asosiy prinsiplari bir-biri bilan bog‘liq, birbirini to‘ldiruvchi, davom ettiruvchi g‘oyalardan iborat bo‘lib, ular barcha demokratik davlatlar konstitutsiyalariga xos bo‘ladi va shuning uchun ular O‘zbekiston Konstitutsiyasi uchun ham xosdir. Shuning uchun, konstitutsiyaning asosiy prinsiplarini O‘zbekiston Konstitutsiyasi misolida ko‘rib chiqish maqsadga muvofiq bo‘lar edi. Asosiy qonunimizning prinsiplari qatoriga quyidagilarni kiritish mumkin. Download 183.89 Kb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling