1. корхона ходимлари ва улар меҳнатининг ҳисоби корхона ва ташкилотлар ходимлари

3.ХОДИМЛАР ДАРОМАДЛАРИНИНГ ТУРЛАРИ ВА ТАРКИБИ

Ўзбекистон Республикаси Солиқ кодексига мувофиқ (171-модда) ишчи ва хизматчиларнинг корхона ва ташкилотларда оладиган жами даромадларига қуйидагилар киради (3.7-чизмага қаранг).

Корхона ходимлари даромадлари





Бошқа даромадлар

Меҳнатга ҳақ тўлаш тарзидаги даромадлар



Моддий наф тарзидаги даромадлар

Мулкий даромадлар


3.7-чизма. Ходимларнинг корхона ва ташкилотлардан оладиган даромадлари турлари
Меҳнатга ҳақ тўлаш тарзидаги даромадлар

Ўзбекистон Республикаси Солиқ кодексига мувофиқ (172-модда) ишчи ва хизматчиларнинг корхона ва ташкилотларда оладиган меҳнатга ҳақ тўлаш тарзидаги даромадлари таркибига қуйидагилар киради (3.8-чизма).

Ходимларнинг меҳнатга ҳақ тўлаш тарзидаги даромадлари





*меҳнатга ҳақ тўлашнинг қабул қилинган шакллари ва тизимларига мувофиқ ишбай нархлар, тариф ставкалари ва мансаб маошларидан келиб чиққан ҳолда ҳақиқатда бажарилган иш учун ҳисобланган иш ҳақи;
*илмий даража ва фахрий унвон учун қўшимча тўловлар;
*Солиқ Кодексининг 173-моддасига мувофиқ рағбатлантириш хусусиятига эга тўловлар;
*Солиқ Кодексининг 174-моддасига мувофиқ компенсация тўловлари (компенсация);
*Солиқ Кодексининг 175-моддасига мувофиқ ишланмаган вақт учун ҳақ тўлаш.
Меҳнатга ҳақ тўлаш тарзидаги даромадларга қуйидагилар ҳам киради:
- предмети ишларни бажариш ва хизматлар кўрсатиш бўлган фуқаролик-ҳуқуқий тусда тузилган шартномаларга мувофиқ жисмоний шахсларга тўловлар;
- юридик шахснинг бошқарув органи (кузатув кенгаши ёки бошқа шунга ўхшаш органи) аъзоларига юридик шахснинг ўзи томонидан амалга ошириладиган тўловлар.