1-mavzu. Fanga kirish. Fanning maqsadi va vazifalari. Akrreditatsiya tushunchasi va akkreditatsiya sohasiga oid me’yoriy xujjatlari

3.Sinov laboratoriyalarini layoqatlilik bo‘yicha akkreditlashga tayyorlash 
 
1. Sifat menejmenti tizimi (SMT)ni joriy etish bosqichlari. Sinov 
laboratoriyasining (keyingi o‘rinlarda – laboratoriya deb ataladi) sifat menejmenti 
tizimini yaratishda quyidagi yo‘nalishlardagi ishlarni talab qiladi: 1) vazifali; 2) 
tashkiliy. 1) SMTni yaratishning vazifali yo‘nalishi quyidagilarni qamrab oladi: − 
laboratoriyaning sifat sohasidagi siyosatini ishlab chiqish; − laboratoriyaning sifat 
bo‘yicha qo‘llanmasini ishlab chiqish; − laboratoriyaning asosiy sinov-jarayonlari 
uchun hujjatlashtirilgan protsedura hujjatlarini ishlab chiqish; − laboratoriyaning 
ichki standartlarini ishlab chiqish; − tahliliy va statsitik nazorat usullarini joriy 
qilish.
2) Laboratoriyada SMTni yaratishning tashkiliy yo‘nalishi quyidagilarni 
qamrab oladi: − sifat xizmatini yaratish; − SMT hujjatlarini yuritish uchun javobgar 
(shaxs)lar va bo‘linmalarni aniqlash; − sifat bo‘yicha vakolatli shaxs (sifat xizmati 
rahbari)ni tayinlash; − laboratoriyaning boshqa bo‘linmalari bilan sifat xizmatining 
o‘zaro faoliyati yo‘lga qo‘yish. SMT samarali joriy etish va yaratish uchun 
laboratoriyaning sifat sohasidagi strategiyasini aniqlash, laboratoriyada SMT ishlab 
chiqish va joriy etish bo‘yicha ishchi guruhni yaratish, sinov-jarayonlar tahlilini 
o‘tkazish, korxonada sifatni boshqarish sohasida bajarilgan ishlarning butun 
tafsilotini tahlil qilish kerak. Sifat menejmenti tizmini va SMT hujjatlashtirilgan 
protseduralarini ishlab chiqish mashaqqatli va mas’uliyatli bosqich bo‘lib 
hisoblanadi va shuning uchun loyihaning alohida bosqichi deb belgilangan. 
Sifat menejment tizimini yaratish bo‘yicha ishlar dasturida quyidagilar 
ko‘zda tutiladi: 1) Tashhis aditini o‘tkazish. 2) SMT ishlab chiquvchi ishchi gruhini 
shakllantirish. 3) Sifat menejment tizimini ishlab chiqish va ishchi holatini 
ta’minlash bo‘yicha ishchi guruhni o‘qitish, sifat menejment tizimi hujjatlarini 
ishlab chiqish uchun seminar va amaliy mashg‘ulotlar o‘tkazish. 4) Sifat menejmenti 
tizimi ishlab chiqish va joriy qilish bo‘yicha ISO 9001:2015: siyosat, maqsadlar, 
sifat qo‘llanmasi va hujjatlashtirilgan protseduralarini ishlab chiqish. Jarayonlar 
bo‘yicha zaruriy hujjatlar va ishlab chiqilgan SMT protseduralarini joriy qilish. 6) 
Hujjatlashtirilgan jarayonlar va tavsiflari: jarayonlarni baholash mezonlarini ishlab 
chiqish. 7) Sifat menejmenti tizimini loyihalashtirish. 8) Jarayonlarni resurslar bilan 
ta’minlash: javobgar va vakolatli xodimlarni aniqlash; infratuzilma talablarini 

---

aniqlash. 9) Jarayonlar tahlili va monitoringi, jarayonlarning natijaviyligi va 
samaradorligini o‘lchash, ularni baholash usullarini joriy qilish, boshqarish 
usullarini aniqlash. Jarayonlar va ularni tahlili bo‘yicha hisobot shkallarini joriy 
qilish. 10) SMTni tayyorligini yaxlit tekshirish: ichki audit va yuqori rahbariyat 
tomonidan tahlilni o‘tkazish; sertifikatlashtirishdan oldingi auditni o‘tkazish. 11) 
SMTni sertifikatlashtirish.