1-Мавзу: Кириш

ўрта махсус, касб-ҳунар таълими муассасаларида биологияни ўқитишда ўқувчиларнинг билиш фаолиятини фаоллаштириш орқали касбий йўналтирилганликни амалга ошириш;

биологияни ўқитишда педагогик ва ахборот технологияларидан уйғун равишда фойдаланишнинг методик таъминотини яратишни талаб этмоқда.

Юқорида қайд этилган вазифаларни ҳал этиш мақсадида педагогика олий ўқув юртларида ўқитиладиган “Биология ўқитиш методикаси” курси бўйича дарсликни яратиш ва унда умумий ўрта таълим мактаблари ва ўрта махсус, касб-ҳунар таълими муассасаларида биологияни ўқитишнинг долзарб муаммоларини ҳал этишнинг илмий-назарий асослари ва амалиётга татбиқ этиш юзасидан методик тавсиялар жамланди.
Дарсликнинг мукаммал бўлиши юзасидан фикр-мулоҳазаларни Низомий номидаги ТДПУ, биология ва уни ўқитиш методикаси кафедрасига юбориш сўралади ва фикр билдирган устозлар ва ҳамкасбларга аввалдан миннатдорчилик билдирилади.
Муаллифлар
1-Боб. БИОЛОГИЯ ЎҚИТИШ МЕТОДИКАСИНИНГ МАҚСАДИ ВА ВАЗИФАЛАРИ


1.1. Биология ўқитиш методикаси фан ва ўқув фани сифатида
Режа:

1. 
   Биология ўқитиш методикасининг мақсади ва вазифалари.
   
2. 
   Биология ўқитиш методикаси фан сифатида.
   
3. 
   Биология ўқитиш методикасининг тадқиқот методлари
   
4. 
   Биология ўқитиш методикасининг бошқа фанлар билан боғлиқлиги.
   
5. 
   Биология ўқитиш методикасининг ўқув фани сифатида.
   

Асосий тушунчалар ва таянч билимлар

Фан ва ўқув фани тушунчалари, педагогика ва хусусий методика, биология ўқитиш методикасининг предмети ва объекти, биология ўқитишнинг илмий тадқиқот методлари.

Биология ўқитиш методикасининг мақсади ва вазифалари.
Биология ўқитиш методикаси биология фан асослари билан боғлиқ бўлган ўқув, жараёнлар, принциплар ва қонуниятлар тўғрисидаги фандир. Мазкур принцип ва қонуниятларни билиш ўқитувчига мактаб биология курси билан боғлиқ ўқув-тарбиявий жараёнларни замон талабларига мос ҳолда ташкил этиш ва бошқариш имконини беради.