Математик моделлаштириш - нефть ва газ уюмларини фикран моделлаштириш тури. Қайд қилинган чизиқли интерполяция, турли мураккабликдаги функциялар, эҳтимолий-статистик методларнинг қўлланиши математик моделни яратади. Математик структуранинг геологик ҳодисалар ёки жараёнларнинг моделига айланиши ушбу структура (мавҳум математик объект) элементлари геологик мазмунга эга бўлгандагина, яъни математик структура элементлари қиймати уюмнинг эксперимент натижасида аниқланган хусусиятларига мос келгандагина амалга ошади.
График моделлаштириш — нефть ва газ конларини фикран моделлаштиришнинг бошқа тури. Нефть ва газ конлари геологиясида график моделлар тузиш усулига муфассал корреляция схемаси, муфассал геологик кесим (кесма), изочизиқлар ва шартли белгилар билан ифодаланган турли хариталар, блок-диаграммалар, графиклар ва бошқа график ҳужжатлар тааллуқли.
Do'stlaringiz bilan baham: |
