1. Oliy nufuzga ega bo’lish

Faol ijtimoiy munosabatlar. Kishining o’z kasbdoshlari bilan iliq, do’stona muomalada bo’lishga intilishlarida o’z aksini topadi. Bu yo’nalishdan yuqori ballga ega bo’lgan kishilar uchun kasbdoshlar o’rtasidagi o’zaro ishonch va hamkorlik muhitining hukmronligi muhim ahamiyatga ega.
O’z ustida ishlash. O’z imkoniyatlarini kasbiy hayotda yuzaga chiqarish, kasbiy mahoratini tobora oshirish kabi intilishlarda o’z aksini topadi. Bu yo’nalish bo’yicha yuqori ko’rsatgichga ega bo’lgan kishilar o’z kasbiy qobiliyatlari va ularni rivojlantirish imkoniyatlari haqida ko’proq ma’lumot olishga qiziquvchan bo’ladilar.
Yutuqlarga yo’nalganlik. O’z kasbiy faoliyatlarida aniq va sezilarli natijalarga, yutuqlarga ega bo’lishga intilish va ko’p hollarda o’ziga ortiqcha baho berish xislati. Bu yo’nalish bo’yicha yuqori ko’rsatgichga ega bo’lgan kishiga o’zi bajargan ish jarayonidan emas, balki uning natijasidan qoniqishga moyillik xos fazilatlardandir. Shu bilan birga bunday kishilarga o’z ishlarining oqibatini aniq rejalashtirish ham harakterlidir.
Ma’naviy qoniqish. Kishining kasbi, faoliyatini ma’naviy qoniqish olib kelishiga qaratishi, qiziqarli, mazmunli ish yoki kasb egasi bo’lishga intilishida o’z aksini topadi. Bu yo’nalish bo’yicha yuqori ko’rsatgichga ega bo’lgan kishilar o’z mehnatini mazmunan chuqur anglashga intilib, o’zlari bajargan ishning natijasidan emas, balki ko’proq ishning borishidan, jarayonidan zavq oladilar. Bunday odamlarga o’zlari qilgan ishdan xavotirlanmaslik, uning sifatli bajarilganiga ishonch bilan, ma’lum ma’noda mag’rurlik bilan munosabatda bo’lish xosdir.
O’zlikni saqlash. Mehnat faoliyatida o’ziga xos usuldan foydalanib, boshqalardan qanday bo’lmasin farq qilishga intilishlarida o’z aksini topadi. Bu yo’nalish bo’yicha yuqori ko’rsatgichga ega bo’lgan kishilar o’zlariga xosligini, betakrorligini chertib ko’rsatish uchun noan’anaviy, noyob va nodir mutaxassisliklarni tanlashga moyil bo’ladilar.
O’quv – ta’lim sohasi