1. шахмат pra indd

Po‘latxon 
Saidxonov 
(1892–1950). 
O‘zbekistonda 
shaxmatni rivojlantirishga hissa qo‘shgan qaldirg‘ochlardan. 
Qo‘qonlik Po‘latxon Saidxonov 1927 yildayoq mamlakatimiz da 
mohir shaxmatchi sifatida tanilgan. 
O‘sha yili Moskvada o‘tkazilgan kasaba soyuzlari 
birinchiligida qatnashgan Po‘latxon yarim finalgacha yutqazmay 
finalda sport ustasi Vasiliy Panovni yenggan. 
Shiddatli kombinasiyalari bilan barchani o‘ziga mahliyo 
qilgan Po‘latxon Saidxonov o‘ta qobiliyatli shaxmatchi edi. 
Respublikamizdagi ko‘p shaxmatchilar Po‘latxon Saidxonov- ni 
ustoz deb biladi. 
G. Shaxzoda (1913–1976). 1913 yil Samarqand shahrida 
tug‘ilgan. 30-yillarda mohir shashkachi sifatida tanilgan. 1935– 1936 
yillar shaxmat bilan ham jiddiy shug‘ullandi, 1945 yilgi respublika 
chempionatida 3–4–5-o‘rinni bo‘lishib oldi. 
1950 yil Respublika chempioni bo‘ldi. Shaxzoda 1948, 1951, 
1953, 1960 yillarda o‘tkazilgan sobiq SSSR jamoa birinchiliklarida 
O‘zbekiston terma jamoasi tarkibida qatnashdi, 1948 yil unga sport 
ustasi unvoni berildi. 
A.V.Grushevskiy 1932 yil Toshkent shahrida tug‘ilgan. 
Aleksandr Vasilevich O‘zbekiston shaxmatchilari orasida eng ko‘p 
muvaffaqiyat 
qozongan. 
1949–1964 
yillarda 
o‘tkazilgan 

---

56 
chempionatlarda qatnashib, o‘n marta g‘olib chiqqan. Bundan 
tashqari mamlakat shaxsiy va jamoa birinchiliklarida ham faol 
ishtirok etgan. A.Grushevskiy raqibi kim bo‘lishidan qat’iy nazar 
taxtada sodir bo‘lgan vaziyatga aniq baho bera olgan. 
U 1951 yil sport ustaligiga nomzod, 1960 yil sobiq SSSR 
sport ustasi bo‘ldi. A.Grushevskiy qo‘llagan ko‘p partiyalarga 
shaxmat to‘g‘risidagi adabiyotlarda keng o‘rin berilgan. 
A.Grushevskiy 1959 yili Moskvada SSSR xalqlari ikkinchi 
spartakiadasida Belorussiyalik xalqaro sport ustasi G.Veresovni, 
1966 yil SSSR birinchiligida xalqaro grossmeyster A.Suetinni 
yengib, ancha tanilgandi.