1 Ўзбекистон республикаси олий ва ўрта махсус таълим вазирлиги ислом Каримов номидаги Тошкент давлат техника университети Ишмуратов Х. К., Ҳамроев Р. К. Техник хизмат кўрсатиш ва таъмирлаш усулларининг технологик асослари (монография)

стрелка; 4-шкала; 5-учлик. 
Юк автомобилларининг ва тракторлар-
нинг шиналари статик, енгил автомобилларнинг ғилдираклари қўшимча 
равишда махсус балансировкалаш дастгоҳида динамик мувозанатланади. 
Бу покришкаларни таъмирлашнинг якуний операцияси ҳисобланади. Юк 
автомобиллари ва трактор шиналарининг покришкаларини мувозанатлаш 
учун лист шаклидаги протектор резинасидан ёки манжетлардан 
фойдаланилади. Улар покришка ичидан елимлаб қўйилади. Енгил 
автомобилларнинг ғилдираклари дискнинг четларига ўрнатиб қўйиладиган 
юкчалар ёрдамида мувозанатланади. 
4.5 Кабинани назорат қилиш, ювиш, тозалаш ва қисмларга ажратиш. 
 
Кабинани дастлабки кўздан кечириш, ювиш, тозалаш ва 
қисмларга ажратиш. Трактор кабинасини ишлатиш жараёнида 
шикастланади. 
Трактор таъмирлашга келтирилганда, дастлаб кабинанинг ташқариси 
ювилади, шу пайтнинг ўзида у дастлабки назоратдан ҳам ўтади. Бунда 
кабинани қисмларга ажратилган қисмлари яхшилаб кўрикдан ўтказилади. 
Уларга кабинанинг ички қопламаси, ойнаси, арматураси, декоротив 
ўрнатмалари ва бошқалар киради. Кабиналар махсус мосламалар билан 
жиҳозланадиган 
электротелферлар, 
кран-балкалар, 
дастаки 
ва 
механизациялашган таллар ва бошқа юк кўтариш механизмларида 
демонтаж қилинади. 
Ҳар турли чанг-тўзонлардан яхшилаб тозалаш учун ички қопламаси, 
пол олингандан сўнг кабина қайтадан ювилади, сўнг кабина узел ва 
деталларга ажратилади. 
Эски бўёқлардан тозалаш. Тракторларни ишлатиш жараёнида бир 
неча марта бўялади. Кабина қанотлари, капоти ва облицовкаларида турли 
хилдаги эзилишлар, дарзлар шпатлёвкалар ва турли хилдаги мастика билан 

---

98 
ишлов берилган бўлади. Таъмирлашдан аввал кабина улардан тозаланади. 
Агар кабина эски бўёқлардан тозаланмасдан таъмирланса, иш жойлари 
ифлосланади, кабина элементлари пайвандлаганда ёнаётган бўёқ ҳавони ва 
ишлаб чиқариш хоналарининг ҳавосини ифлослаштиради. Эски бўёқни қўл 
билан, кимёвий ва бошқа усуллар билан тозалаш мумкин. Бўёқдан 
тозалашнинг энг мураккаб усули қўлда тозалаш ҳисобланади. Бунда 
тозалаш ўткир пўлат қирғичлар ва металл чўткалар билан олиб борилади. 
Айниқса, бўёқни сферик, қавариқ, ботиқ сиртлардан ва чоклардан ажратиб 
олиш жуда ноқулай. 
Кимёвий ишлов бериш усули юзани эски бўёқдан тозалашнинг энг 
самарали усули бўлиб ҳисобланади. Кимёвий ишлов берилгандан 10-15 
минут ўтгандан сўнг эски бўёқ бўка бошлайди ва металл сиртидан осон 
ажралади, механиқ ёки пневматик юритмали қиргич ёки чўткалар билан 
тозалаб ташланади. 
Кўпчилик кабиналар ва уларнинг деталлари пентафтали, гифталли 
ёки бошқа синтетик эмаллар билан қопланади. Уларнинг қатламларини 
олиб ташлаш учун “АТФ-1” ювиш эритмаси қўлланилади. Кабина ва унинг 
деталлари нитроэмаллар билан бўялган бўлса, “СД” эритмаси ишлатилади. 
Кабина ва унинг деталлари эски бўёқдан тозалангандан сўнг, у солвент, 
Уайт-спирт ёки 646 эриткичи билан ювилади. 
Тозалаш хонасида вентиляцияни яхши ишлаши ва у ердаги ҳавонинг 
температураси 18-20ºС дан паст бўлмаслиги лозим. Елвизак бўлиши ҳамда 
юқори температура мақсадга мувофиқ эмас, чунки бунда эритма буғланади, 
натижада эски бўёқларнинг бузилиш жараёни секинлашади, эритма сарфи 
ортади. Кабиналарни эски бўёқдан тозалаш махсус ванналарда олиб 
борилиши ҳам мумкин. Тозаловчи суюқлик каустик сода эритмасидан 
иборат бўлиб, у 80-90º С гача иситилади. Кабиналар бундай ванналарда 40-
50 минут давомида бўктирилгандан сўнг иккинчи ваннадаги иссиқ сувда 
ювилади.