12-ma`ruza. Ilmiy ish natijalarini rasmiylashtirish Reja

ITI haqidagi hisobot quyidagilarni o`z ich iga oladi:
- bosh varaq;
- bajarilgan ishlarning qisqacha mazmuni;
bajaruvchilar ro`yxati;
- referat;
- mundarija (sarlavha);
- qisqartmalar, belgilar va maxsus terminlar ro`yxati, zarur holda ularga tushuntirish beriladi;
-asosiy qism;
-adabiyotlar ro`yxati;
- ilova.
Referat o`tkazilgan ITI asosiy mazmunini ifodalashi kerak, unda hisobotning hajmi, tasvirlar miqdori va tavsifi, jadvallar miqdori, hisobot yozilgan til, asosiy so`zlar ro`yxati va referat matni haqidagi ma`lumot bo`lishi lozim.
Referat matni quyidagilarni o`z ichiga oladi.
- bajarilgan ish mohiyatini va tadqiqot usulini ifodalovchi asosiy qism;
- referat asosiy qismi mazmunini ochib beruvchi aniq ma`lumotlar;
- olingan natijalarning o`ziga xosligi, samaradorligi, qo`llanilishi mumkin bo`lgan sohalarga taalluqli qisqacha xulosalar.
Referatning eng maqbul hajmi 1100-1200 bosma belgi.
Hisobotning asosiy qismi quyidagi bo`limlarni o`z ichiga oladi:
- kirish;
- analitik sharh (masalaning qo`yilishi);
- ishning tanlangan yo`nalishini asoslash;
- bajarilgan ish metodikasi, mazmuni va natijalarini ifodalovchi hisobot bo`limlari;
- xulosa (xulosa va takliflar).
Kirish ish bag`ishlangan ilmiy-texnikaviy muammo (masala)ning zamonaviy ahvolini, shuningdek ishni maqsadini qisqacha tavsiflashi kerak. Kirish qismida tavsiflanayotgan ishdagi yangilik va dolzarblik nimadan iboratligini bayon etish va uni o`tkazish zarurligini asoslash zarur.
Analitik sharhda tadqiqotni metodikasi va hal etish vositalari bo`yicha adabiyotlarda keltirilgan ma`lumotlar, ITI oldida turgan masalani yangicha hal etish yo`llari bayon qilinishi lozim. Ishning tanlangan yo`lini asoslash boshqa mumkin bo`lgan yo`nalishlarga taqqoslash bo`yicha afzalliklariga asoslanadi. ITI tanlangan yo`nalishi va ishchi gipoteza ITI o`tkazish aniq shar tlarini hisobga olgan holda analitik shar xda mavjud bo`lgan tavsiyalarga asoslanishi kerak. ITIning tanlangan yo`lini asoslash ishning maqsadga muvofiqligi (yoki zarurligi)ni asoslash bilan almashtirmasligi kerak. ITI tanlangan yo`nalishi tegishli topshiriqlar bilan asoslanmasligi lozim.
Bajarilgan ish metodikasi, mazmuni va natijalarni ifo­dalovchi hisobotning qismlari barcha oraliq va yakuniy natijalar, shu jumladan, salbiylari bilan birgalikda to`la va tadrijiy tarzda bayon etilishi kerak.