13-lekciya Almaslap egiw ha’m diyqanshılıq sisteması Reje

6-atızlı almaslap egiw ta’rtibi (1:1:1:1:2)
1-tu’ri. Bul sxemada g’awashanın’ salıstırma salmag’ı -50%, bir jıllıq ot-jemlik eginler -17%, biyday-17% ha’m basqa eginler 16% bolıp, bul atızg’a baw-baqsha, da’n ha’m sobıqlı da’nli eginler egiledi. Yag’nıy, bir atız-ot-jemlik egin, bir atız-biyday, bir atız- basqa eginler ha’m u’sh atız-g’awasha boladı.Eginlerdin almasıwı birinshi jılı ot jemlik egin, 2-jılı g’awasha, 3-jılı basqa egin, 4-jılı biyday ha’m 5-6 jılları g’awasha egiledi. Bir rotaciya da’wiri 6-jılda pitedi. Usı da’wirde 2-ha’m 4-jılı bir gektarg’a 20 tonna esabınan jergilikli to’gin beriliwi kerek. Basqa eginler ushın ajıratılg’an atızg’a bir jıllıq baw-baqsha, palız, da’n ha’m sobıqlı da’nli eginler egiledi. Bul sxemada jazlıq biyday egiw na’zerde tutılg’an. Biyday jıynap alıng’annan keyin topıraq o’nimdarlıg’ın arttırıw ham kelesi jılg’ı eginge azıq retinde paydalanıw ushın siderat egiledi. Siderat yamasa ko’k to’gin ushın bizin’ jag’dayımızda surepica, raps, azıqlıq burshaq, soya ha’m basqa da bir jıllıq sobıqlı eginlerden birewi yamasa bir neshe turi aralastırıp egile boladı. (25-keste).
2-tu’ri (1:1:1:1:2). Bul da 6 atızlı almaslap egiw sxeması bolıp, birinshi tu’rinen o’zgelesheligi: 1-atızga ot jemlik eginnin’ ornına jazlıq biyday egiledi, bunda paxtanın’ salıstırma salmag’ı 50%, biyday-34% ha’m basqa eginler-16% boladı.
Bul eki sxema topıraq o’nimdarlıg’ı joqarı bolg’an jerler ushın usınıs etilip, topıraq o’nimdarlıgın arttırıp barıw, biydaydan keyin siderat egiw ha’m rotaciya da’wirinde eki ret gektarına 20 tonna esabınan jergilikli to’gin beriw na’zerde tutılg’an (19-keste).

19. G’awasha-da’n almaslap egiw kestesi (1:1:1:1:2) boyınsha

eginlerdin’ jaylasıwı.

Jıllar