17-amaliy mashg’ulot

3-rasm. Pinnulariya (Pinnularia) ning jinsiy jarayoni. 

1–pinnulariyaning hujayralari; 2–sovut tashlagan hujayralar; 3–meyoz va to’rtta 

sporaning hosil bo‘lishi; 4–auksosporalarning hosil bo‘lishi; 5–sovutlarning hosil 

qilishi. 

Pinnulariya  va  boshqa  diatom  suvo‘tlarni  tuzilishini  doimiy  preparatlarda  ham 

o‘rganish  mumkin.  Pinnulariya  vegetativ  yo‘l  bilan  ko‘payganda  hujayra  protoplasti 

bo‘kilib  hajmi  kattalashadi  va  ikkala sovut bir-biridan  ajraladi.  Hujayra  yadrosi  mitoz 

bo‘linib,  protoplast  ham  ikkiga  ajraladi.  Hosil  bo‘lgan  protoplastlarni  birida  ona 

hujayradan olgan epiteka, ikkinchisida esa gipoteka bo‘ladi. So‘ngra ular yetishmagan 

tomonini tiklaydi, lekin ikkala hosil bo‘lgan hujayralarning gavdasi gipotekadan kichik 

bo‘ladi.  Bu  jarayon  bir  necha  marta  takrorlanishi  natijasida  hujayralari  kichiklashib 

ketadi.  O‘lchami  kichiklashib  ketgan  hujayra,  jinsiy  ko‘payish  orqali  o‘z  o‘lchamini 

yana tiklab oladi.  

Pinnulariyaning  jinsiy  ko‘payishi  konyugatsiyasiga  o‘xshash.  Bunda  ikki  hujayra 

bir-biriga  yaqinlashadi.  Ular  suvo‘tlarini  tashlagach,  o‘zlaridan  shilimshiq  modda 

ajratadi. Yaqinlashgan har bir hujayra  yadrosi reduksion bo‘linib, to‘rtta gaploid yadro 

hosil bo‘ladi. Ba’zi turlarida hosil bo‘lgan gaploid yadrolardan uchtasi, ayrim turlarida 

ikkitasi degenerasiyaga uchraydi. Qolgan bitta yadrodan ikkita gameta yetiladi. Ulardan 

bittasi  amyobasimon  harakatlanib,  joyida  saqlangan  ikkinchi  hujayra  gametasi  bilan 

qo‘shiladi.  Hosil  bo‘lgan  zigota  kattalashib,  auksosporaga  aylanadi.  Auksospora  hosil 

bo‘lgach,  zigota  po‘sti  yorilib,  uning  auksosporada  saqlanadi.  Voyaga  yetgan 

---

auksospora  po‘sti  bilan  o‘ralib,  pinnulariyaning  normal  o‘lchamli  vegetativ  diploid 

hujayrasini hosil qiladi.