1917 yil fevral inqilobi va o’lkadagi ijtimoiy-siyosiy harakatlar
hokimiyat - vakolatlar majmuidan iborat bo`lgan siyosiy tizimdir
Download 0.77 Mb. Pdf ko'rish
|
ozbek davlatchiligi koppartiyaviylik tizimi tamoyilida
hokimiyat - vakolatlar majmuidan iborat bo`lgan siyosiy tizimdir (ta’kid bizniki).
Partiyalarning hokimiyat uchun kurashishidan maqsad vakolatlar tizimiga ega bo`lish va ular orqali o`z dasturlarini, qarashlarini hayotga tatbiq etishdir. Agar partiyalar hokimiyatga ta`sir o`tkazish uchun ijtimoiy nazorat qilish orqali o`z qarashlarini amalga oshirish imkoniyatlariga ega bo`lsalar, nima uchun ular hokimiyatga qarshi turishlari kerak yoki hokimiyatdan o`zgacha fikrlashlari lozim? Aksincha, bunday sharoitda mavjud hokimiyatni qo`llash, u bilan hamkorlik qilish foydali. Har qanday o`zgacha fikrlash, hokimiyat bilan doimiy murosasizlik yo`lini tutish hokimiyat va partiya o`rtasidagi begonalashuvdan boshqa narsa emas. Hokimiyat va partiyalar o`rtasidagi keskin ziddiyat jamiyat taraqqiyotiga salbiy ta`sir etib, jamiyatdagi ijtimoiy munosabatlarning keskinlashuviga sabab bo`ladi. Bundan na hokimiyat, na partiya va na jamiyat manfaat topadi. Hokimiyat va partiyalar o`rtasidagi hamkorlik bunyodkorlikka xizmat qiladi. Shuning uchun ham O’zbekistonda bunyodkorlik ishlari kundan-kunga rivojlanib bormoqda. O’zbekistonning yorug’ kelajagini ko`rolmaydigan ayrim kuchlar esa hokimiyat va partiyalar o`rtasidagi o`zaro hamkorlikni bir yoqlama tushunib, xalqning ijtimoiy ongini hokimiyat va partiyalarga ishonchsizlik ruhida shakllantirishga harakat qilmoqdalar. Biz esa ana shunday parda ortiga yashiringan mohiyatni anglab olishimiz va bundan xalqimizni o`z vaqtida xabardor etishimiz lozim. Yuqorida bildirilgan fikr va mulohazalardan ko`rinadiki, O’zbekistondagi siyosiy partiyalar faoliyatini, partiya va hokimiyat, partiya va xalq o`rtasidagi munosabatlarni ilmiy tadqiq etish bugungi kunning dolzarb mavzuiga aylandi. Bu esa O’zbekiston siyosatshunoslariga katta mas`uliyat yuklaydi. Faqat asoslangan ilmiy xulosalargina fuqarolarimizning siyosiy ongi, siyosiy madaniyatini turli fanatizmlardan xoli tarzda shakllantirishga xizmat qiladi 2 . Ayrim siyosatchilar «hokimiyat uchun kurash hokimiyat lavozimlariga ega bo`lish va uni partiya a`zolari o`rtasida taqsimlashdir», deb talqin etadilar. Bizning fikrimizcha, bunday yondashuv nazariy jihatdan xato bo`lib, amaliy jihatdan zararlidir. Negaki, agar siyosiy partiyalar «hokimiyat uchun kurash» tushunchasiga shunday ma`no bersalar, ular o`z oldilariga muayyan g’oya va qarashlarini hayotga tatbiq etishni emas, aksincha, hokimiyatni egallashni asosiy maqsad qilib qo`yadilar. Bu esa partiyani o`z mohiyatidan begonalashtirib, turli ijtimoiy guruhlar o`rtasida ziddiyatni vujudga keltiradi va buning natijasida manfaatdor guruhlar o`rtasidagi hokimiyat uchun kurash o`yiniga sabab bo`lishi nodonga ham ayon. Ayrim qo`shni mamlakatlarda ana shu tarzda boshlab yuborilgan siyosiy o`yin qanday oqibatlarga olib kelganiga barchamiz guvoh bo`lib turibmiz. Xo`sh, bunday siyosiy o`yindan kim manfaat topdi? Xalqmi? Partiyami? Yoki hokimiyat tepasidagilarmi? Afsuski, bunda hech kim g’olib bo`lmaydi, aksincha, hamma mag’lub bo`ladi! eng achinarlisi, xalq jabr chekadi, jamiyat taraqqiyoti bir necha o`n yillarga ortda qoladi. Bundan biz to`g’ri xulosa chiqarishimiz lozim. Ayrim siyosatbozlar ta`kidlaganlaridek, siyosat - o`yin emas, boshqaruv san`atidir. Boshqaruv san`ati esa boshqa san`atlar qatori tabiat va jamiyatning ma`lum bir qonuniyatlariga bo`ysundirilgan. Insoniyat o`z hayoti davomida ana shunday qonuniyatlar asosida tashkil etilgan jamiyatdagi boshqaruv shakllarining eng yuksagi deb demokratik boshqaruv shaklini topdi.
1
http://www.uza.uz/news /
Download 0.77 Mb. Do'stlaringiz bilan baham: |
ma'muriyatiga murojaat qiling